Posted: 12/21/2012 01:58 PM IST

ఉత్తరాది నుంచి దక్షిణాదికి వచ్చి అగ్రకథానాయికల్లో ఒకరిగా చెలామణి అవుతున్న  కథానాయిక  తమన్నా. ఈ ముద్దుగుమ్మ తొలుత ఓ బాలీవుడ్  సినిమాతో  తెరకు  పరిచయమైనా కథానాయికగా స్థిరపడింది మాత్రం తెలుగు, తమిళ్ లోనే. అయితే  ఈ భామ  ప్రస్తుతం  తన సొంత  పరిశ్రమ బాలీవుడ్ లో జెండా ఎగురవేయాలని ప్రయత్నిస్తోందని సమాచారం. తమన్నా.. అందం, అభినయంతో కుర్రకారును మత్తెక్కిస్తోన్న భామ. 1989, డిసెంబర్ 21 న ముంబైలో జన్మించారు. చాంద్ కా రోషన్ చెహరా అనే హిందీ సినిమాతో తమన్నా 2005లో తెరంగేట్రం చేశారు. ఆ తర్వాత `శ్రీ` చిత్రంతో తెలుగు తెరకు పరిచయం అయ్యారు. కానీ శేఖర్ కమ్ముల హ్యాపీ డేస్ చిత్రం తమన్నాకి మంచి గుర్తింపు తీసుకొచ్చింది. తమన్నా స్టార్ హీరోలందరి సరసన నటించింది. నాగచైతన్య సరసన తమన్నా చేసిన చిత్రం 100% లవ్. సుకుమార్ దర్శకత్వంలో రూపొందిన ఈ సినిమా అన్ని వర్గాల ప్రేక్షకులను అలరించింది. ఈ చిత్రంలో మహాలక్ష్మీగా తమన్నా నటన చాలా మంది ప్రేక్షకులను అభిమానులుగా మార్చింది. అల్లు అర్జున్ హీరోగా నటించిన. బద్రీనాధ్ సినిమాలో కథానాయికగా నటించిన తమన్నా మంచి స్టార్ డం సంపాదించింది. గ్లామర్ పరంగా తమన్నా కొత్తగా కనిపించింది. తమన్నా ..తన నటనా పటిమను ప్రదర్శించిన మరో చిత్రం రచ్చ. ఈ సినిమాతో టాలీవుడ్ ని రచ్చ రచ్చ చేసింది. అలాగే పవర్ స్టార్ పవన్ సరసన కెమెరామెన్ గంగతో రాంబాబు సినిమాలో నటించింది.  గంగను  తెలుగు ప్రజలు మరిచిపోలేకపోతున్నారు. మిల్కీ బ్యూటీ తమన్నా మరెన్నో చిత్రాల్లో నటించి..నటిగా మంచి పేరు తెచ్చుకోవాలని తెలుగువిశేష్ డాట్ కామ్  కోరుకుంటుంది?