Posted: 12/19/2012 03:13 PM IST

తెలుగుదేశం పార్టీ అధినేత  మాజీ ముఖ్యమంత్రి  నారా చంద్రబాబు నాయుడుకి ఏం రోగం అని ఒక పార్టీ ఎమ్మెల్యే అడుగుతున్నారు. చంద్రబాబు ఏం రోగం వచ్చిందో  ముందు ఆ ఎమ్మెల్యేకి చెప్పాలని  అంటున్నాడు. ఆ యువ ఎమ్మెల్యే చంద్రబాబు మీద ఎందుకు అంత ఫైర్ అవుతున్నాడు?  ఆఎమ్మెల్యేకు  చంద్రబాబుకు మధ్య ఉన్న వైర్యం ఏమిటి?  అంటే  ఆ యువ ఎమ్మెల్యే కు చంద్రబాబు  మధ్య ఎలాంటి శత్రుత్వం లేదు. కానీ  ప్రాంతీయా విభేదాలు ఉన్నాయి.   ఆ యువ ఎమ్మెల్యే తెలంగాణ కోసం పోరాటం చేస్తున్నాడు. ఆయన ఎవరో కాదు  టీఆర్ఎస్ అధినేత కె. చంద్రశేఖరరావు తనయుడు కె. తారక రామరావు.  ఇప్పుడు తెలుగుదేశం పార్టీపై నిప్పులు  చెరుగుతున్నాడు.  తెలంగాణ  పై అఖిల పక్ష  సమావేశం  పెట్టమని  కేంద్రానికి  లేఖ రాసిన  టీడీపీ  అధినేత  చంద్రబాబు  నాయుడు మరి 28న  సమావేశానికి  ఎందుకు హాజరు కావడం లేదని  కేటిఆర్  సూటిగా ప్రశ్నించారు.   ఇదే విషయమై  చంద్రబాబు  నాయుడు గల్లా పట్టుకుని  మరీ  అడిగే  హక్కు  తెలంగాణ లోని ప్రతి బిడ్డకు  ఉందని  ఆయన అన్నారు.  అసలు  చంద్రబాబు నాయకుడు స్థాయి ఏంటీ?  సొంతంగా  ఎక్కడా గెలవలేడు.  స్వయం  ప్రకాశం లేని చంద్రుడని  కేటిఆర్ విమర్శలు  చేశారు. 

ఒక రాజకీయ పార్టీ ఎన్ని శాఖలు ఉంటాయి?  తెలుగుదేశానికి  రెండు శాఖలు.  ఒకటి తెలంగాణ తెలుగుదేశం , రెండోది  సీమాంద్ర తెలుగుదేశం. ఎక్కడైనా  రెండేసి శాఖలు  ఉంటాయా?  అని కేటిఆర్ అడుగుతున్నారు.  చంద్రబాబు తో పాటు  ఆ పార్టీ సీనియర్ నాయకుడై ఎర్రబెల్లి  దయాకర్ రావు  పై కూడా కేటిఆర్  మండిపడ్డారు.  అసలు ఎర్రబెల్లి దయాకర్ రావుకు  ఆ పదవి వచ్చిందే  టీఆర్ఎస్  వల్ల.  ఈ రోజు ఎర్రబెల్లికి  ఫేస్ కు ఓ వాల్యూ  వచ్చిందంటే  ఆ పదవి వల్లే,  ఇవన్నీ  టీఆర్ఎస్  చలవేనన్న  సంగతి   మరిచిపోతే  ఎలా?  అని కేటిఆర్ అన్నారు.  అంతేకాకుండా  దయాకర్  రావు  గతాన్ని  ఓ సారి వెనక్కి  తిరిగి చూసుకో?  నువ్వో  రేషన్ డీలర్ అన్న సంగతి  కూడా మరిచిపోతే  ఎలా?  ఈ రోజున వందల కోట్లకు ఏ విధంగా  ఎదిగావో  చెబుతావా?  అని కేటీఆర్  నిలదీశారు.  అసలు అఖిల పక్షం పెట్టమని   గావు కేకలేసింది మీరే ?  అలాంటప్పుడు  మీరే ఎందుకు  పోరు చంద్రబాబు?  చంద్రబాబు ఏం రోగం ?  అని ధ్వజమెత్తారు.  తెలంగాణ  ఇవ్వాలని  డిమాండ్  చేస్తూ  సోనియా గాంధీ  ఇంటి ముందు  ధర్నాకు  టీఆర్ఎస్ సిద్దం, మరి తెలుగుదేశం పార్టీ సిద్దమా?  దీనికి  దయాకర్ రావు  సమాధానం చెబుతారా ?  అని కేటిఆర్  చంద్రబాబు మాటల తూటలు పేల్చారు.  కేటిఆర్ అడిగిన ప్రశ్నలకు  తెలుగుదేశం పార్టీ ఎలా సమాధానం చెబుతుందో  చూడాలి.