Posted: 12/07/2012 10:28 AM IST

కేంద్రమంత్రి గులాం నబీ ఆజాద్ తెలంగాణ అంశం పై మళ్లీ సిల్లీగా మాట్లాడాడు. ఈనెల 28వ తేదీన అఖిల పక్షం ఏర్పాటు చేయబోతున్న తరుణంలో రాష్ట్రంలో ఆజాద్ ఇలా మాట్లాడటం  తెలంగాణ వాదులకు కోసం తెప్పిస్తుంది. హైదరాబాద్ వచ్చిన హైదరాబాద్ వచ్చిన ఆజాద్ విలేఖర్లతో మాట్లాడుతూ... ఈనెల 28వ తేదీన ఢిల్లీలో కేంద్ర హోంమంత్రి షిండే కార్యాలయంలో జరిగేది అఖిలపక్ష సమావేశమే అయినా, అది రాష్ట్ర విభజన అంశంపై తేల్చే అఖిలపక్షమా? లేక ఎటూ కాకుండా తేలిపోయే అఖిలపక్షమా ? అని వ్యాఖ్యానించారు. కేంద్ర హోంమంత్రిగా సుశీల్‌కుమార్ షిండే కొత్తగా బాధ్యతలు చేపట్టినందునే తెలంగాణపై మరోసారి తాజా అభిప్రాయాలు తీసుకోవాలని నిర్ణయించామని అన్నారు. అయితే ఆజాద్ మాటలను బట్టి చూస్తుంటే.... ఈ భేటీకి అంత ప్రాధాన్యం లేనట్లుగా సర్వసాధారణంగా ఏర్పాటు చేసినట్లుగా అందని భావించ వచ్చు. సమైక్యాంధ్రకు అనుకూలంగా కొన్ని పార్టీలు, వ్యతిరేకంగా మరికొన్ని పార్టీలు మాట్లాడుతున్నాయి. కొన్ని పార్టీలు రెండు వాదనలను వినిపిస్తున్నాయి కేంద్ర హోం మంత్రిగా షిండే బాధ్యతగా వివిధ పార్టీల అభిప్రాయాలు మరో సారి తెలుసుకునేందుకు ఈ భేటి అని తెలిపారు. ఈ భేటి తాత్కాలికమే అని, దీనికి పెద్దగా ప్రాధాన్యం ఉండక పోవచ్చు అని ఆయన మాటలను బట్టి తెలుస్తుంది.

ఆజాద్ మాటలు ఇలా ఉంటే షిండే మాత్రం అఖిల పక్ష భేటీకి ముహూర్తం కూడా చెప్పారు. 28 తేదీన ఉదయం పది గంటలకు ఈ భేటి ఉంటుందని, ఈ భేటీలో వివిధ పార్టీల అభిప్రాయాలు విన్న తరువాతనే తెలంగాణ సమస్యను పరిష్కరిస్తామన్నారు. అయితే... ఒక్కో పార్టీ నుంచి ఎంతమంది ప్రతినిధులను ఆహ్వానించాలన్న అంశంపై ఇంకా నిర్ణయానికి రాలేదని షిండే చెప్పారు.