Posted: 10/28/2012 12:39 PM IST

కేంద్రమంత్రి వర్గం కొలువు దీరింది. రాష్ట్రపతి భవన్ లో రాష్ట్రపతి ప్రణబ్ ముఖర్జీ వారి చేత ప్రమాణ స్వీకారం చేయించారు. ఈ కార్యక్రమానికి ప్రధాని మన్మోహన్ సింగ్, ఏఐసీసీ అధ్యక్షురాలు సోనియాగాంధీ, రాహుల్ గాంధీతో పాటు పలువురు కేంద్ర మంత్రులు పాల్గొన్నారు. కేంద్రమంత్రిగా (స్వతంత్ర) హోదాలో రాజ్యసభ సభ్యుడు అయిన చిరంజీవి ప్రమాణ స్వీకారం చేశారు. ఈ కార్యక్రమానికి చిరంజీవి కుమారుడు సినీ యువ హీరో రామ్ చరణ్ అతని భార్య ఉపాసన హాజరయ్యారు.

కేబినెట్ మంత్రులుగా  మంత్రులుగా రెహ్మాన్ ఖాన్, దిన్షా పటేల్, అజయ్ మాకెన్ ప్రమాణ స్వీకారం చేసిన తరువాత ఎంఎం పల్లం రాజు ప్రమాణ స్వీకారం చేశారు. సహాయ మంత్రులుగా శశిథరూర్, కె. సురేష్, తారిక్ అన్వర్, కోట్ల జయ సూర్యప్రకాశ్ రెడ్డి, రాణి నారా, అధీర్ రంజన్ చౌదరి, ఏహెచ్ ఖాన్ చౌదరి, సర్వే సత్యనారాయణ, నినాంగ్ ఎరింగ్, ప్రియరంజనీదాస్ మున్షీన భార్య దీపాదాస్ మున్షీ, బలరామ్ నాయక్, కిల్లి కృపారాణి, లాల్ చంద్ కటారియా ప్రమాణస్వీకారం చేశారు. స్వతంత్ర ప్రతిపత్తి గల సహాయ మంత్రులుగా  కె.చిరంజీవితో పాటు మనీష్ తివారీ, ప్రమాణం చేశారు. దిన్షా పటేల్ గుజరాత్ నుంచి, హరీష్ రావత్ ఉత్తరాఖండ్ నుంచి, చంద్రేశ్ కుమారి రాజస్థాన్ నుంచి పార్లమెంటుకు ప్రాతినిధ్యం వహిస్తున్నారు.