సుమతీ శతకము

Posted: 04/12/2014 12:04 PM IST

ఇచ్చునదె విద్య, రణమునఁ

జొచ్చునదె మగతనంబు, సుకవీశ్వరులున్ 

మెచ్చునదె నేర్పు, వాడుకు

వచ్చునదె కీడుసుమ్ము, వసుధను సుమతీ!

టీకా : వసుధను = ప్రపంచంలో ; ఇచ్చునదె = జీవిత ధనమిచ్చునది ; విద్య = చదువు ; రణమునన్ = యుద్ధం ; చొచ్చునదె = ప్రవేశించినది ; మగతనం = పౌరుషం ; సుకవీశ్వరులున్ = మేలైన కవిత్వాలు చెప్పేవారు ; మెచ్చునదె = పొగిడేది ; నేర్పు = నిపుణత్వము = వాదుకున్ = వాగ్వాదం ; వచ్చునదె = పూనిపోవునది ; కీడు = హానికరమైంది ; సుమ్ము = తెలుసుకోవడం 

తాత్పర్యము : ప్రపంచంలో ధనం ఇవ్వగల శక్తి కేవలం చదువుకు మాత్రమే వుంది. పౌరుషమనేది యుద్ధ ప్రవేశం వల్లే తెలిసింది. మేలైన కవిత్వాలను చెప్పేవారిని మెచ్చకోవడం తెలివిగల పని. అనవసరంగా పనిలేక వాదులాడుకోవడం బుద్ధిహీనమైనది.. హానికరమైనది.