సుమతీ శతకము

Posted: 04/07/2014 11:22 AM IST

అల్లుని మంచితనంబును

గొల్లని సామిత్యవిద్య కోమలి నిజమున్

బొల్లున దంచిన బియ్యముఁ

దెల్లని కాకులును లేవు తెలియుర సుమతీ! 

టీకా : అల్లుని మంచితనం = చెప్పినమాట అల్లుడు విని దానిని పాటించడం ; గొల్లని సాహిత్య విద్య = గొల్లవాని పాండిత్యము ; కోమలి నిజమున్ = స్త్రీ నిజం పలకడం ; పొల్లున = పొట్టు నుంచి ; దంచిన బియ్యం = దంచిన తరువాత బయటకు వచ్చే బియ్యం ; తెలియుర = తెలుసుకోవడం 

తాత్పర్యము : ఇంట్లోవారు చెప్పిన మాటలు అల్లుడు విని పాటించడమనేది లేదా తృప్తిగాలేని అల్లుడు మంచివాడుగా మారడం అనేది, ఒక గొల్లవాడు సాహిత్యం (విద్య) చెప్పడమనేది, ఒక స్త్రీ ఎల్లప్పుడు నిజం చెప్పడం అనేది, పొట్టును దంచితే బియ్యం బయటకు వస్తుందనే భావాన్ని మదిలో పెట్టుకోవడమనేది, తెల్లని కాకులు ప్రపంచంలో విహరిస్తాయనే విషయాలు అసంభవమని అర్థం చేసుకోవడం లేదా తెలుసుకోవడం చాలా మంచిది.