సుమతీ శతకము

Posted: 04/01/2014 12:19 PM IST

అడియాస కొలువుఁ గొలువకు 

గుడిమణియము సేయఁబోకు, కుజనుల తోడన్ 

విడువక కూరిమి సేయకు 

మడవినిఁ దోడరయ కొంటి నరుగకు సుమతీ!

టీకా : సుమతీ! అడియాసన్ = ముందేదో గొప్ప లాభమున్నదను  ఆశతో ; కొలువున్ = రాజును ; కొలువకు = సేవింపకుము, గుడిమఱియము = దేవాలయముపై నధికారము ; చేయన్ పోకుము = చేయవద్దు ; కుజనులతోడన్ = దుర్మార్గులతో ; విడువక = ఎడతెగని ; కూరిమి = మైత్రి ; చేయకుము = చేయవద్దు ; అడవిని = అడవి మార్గమున ; తోడరయక = తోడు లేకుండా, ఒంటరిగా ; అరుగకు = పోవలదు. 

తాత్పర్యము : రాజులు ఉపకారము దలించినప్పుడు చెడ్డయాసలతో వారిని సేవించకు. దేవాలయముపై అధికారము చేయాలని పూనుకోవద్దు. దుర్మార్గులతో స్నేహంగా, జెలిమిగా వుండటం మానుకో.. అడవిలో తోడు లేనిదే ఒంటరిగా పయనించకు.