Posted: 12/12/2011 09:47 AM IST

దేశానికి రాజధానిగా ఉన్న ఢిల్లీకి నేటితో వందేళ్ళు నిండాయి. అదే ఢిల్లీలో ఉన్న పార్లమెంటు భవన దాడికి పదేళ్ళు నిండాయి.
ఢిల్లీలో కొత్త నగరానికి (న్యూఢిల్లీ) 1911 డిసెంబర్ 15న జార్జి చక్రవర్తి, ఆయన సతీమణి మేరీ కింగ్స్‌వే క్యాంప్ వద్దనున్న ఢిల్లీ దర్బార్ స్థలంలో పునాది రాయి వేశారు. కోల్‌కతా నుంచి పరిపాలనా భవనాలన్నింటినీ ఢిల్లీకి మార్చారు.

అప్పటి నుంచి కొత్తగా ఏర్పడ్డ రాజధాని ప్రాంతాన్ని 'న్యూఢిల్లీ’ అని పిలవసాగారు. నిజానికి.. గత 3వేల సంవత్సరాలుగా భారత దేశాన్ని పాలించిన పలు చక్రవర్తులు ఢిల్లీ కేంద్రంగానే పాలన సాగించారు. ఇలా.. ఒక్కో రాజ వంశం తమ హయాంలో ఢిల్లీలోని ఒక్కో ప్రాంతాన్ని రాజధానిగా చేసుకొని.. కోట రూపంలో పరిపాలనా భవనాలను నిర్మించినందున ఢిల్లీ చుట్టూ కనీసం ఎనిమిది నగరాలు ఏర్పడ్డాయి.
ఆధునిక భారత దేశానికి న్యూఢిల్లీని రాజధానిగా బ్రిటిష్ వాళ్లు ఏర్పాటు చేసి ఉండవచ్చు. కానీ.. భారత చరిత్రలో శతాబ్దాల తరబడి పరిపాలనా కేంద్రంగా ఢిల్లీ ఉంది. దేశ రాజకీయ పటంలో ఢిల్లీకి ఉన్న ప్రాధాన్యం మూడు వేల సంవత్సరాల క్రితం నాటిది మరి. పాండవుల కాలం నుంచే భారత దేశానికి ఢిల్లీ రాజధానిగా ఉండేదని చరిత్రకారులు చెబుతున్నారు. పాండవులు యుమునా నది ఒడ్డున ఉన్న ఇంద్రప్రస్థను రాజధానిగా చేసుకొని పాలన సాగించారని మహాభారతం పేర్కొంటోంది.

అంటే.. ఇంద్రప్రస్థ అన్నది ప్రస్తుతం ఢిల్లీలో ఉన్న పాతకోట చుట్టూ ఉన్న ప్రాంతం అయి ఉంటుందని భావిస్తున్నారు. 13వ శతాబ్దంలో భారత్‌పై దండయాత్రకు వచ్చిన బానిస వంశం పాలకులు మొదలుకొని.. 14వ శతాబ్దంలో దేశాన్ని ఏలిన తుగ్లక్ వంశం పాలకులు, 15వ శతాబ్దంలో దేశాన్ని ఏలిన లోడీలు కూడా ఢిల్లీనే తమ రాజధానిగా చేసుకొని పరిపాలన సాగించారు. ఆ తరువాత.. మొగల్ చక్రవర్తి షాజహాన్ క్రీ.శ. 1639లో పాత ఢిల్లీని షాజహానాబాద్ పేరుతో తన సామ్రాజ్యానికి రాజధానిగా ప్రకటించారు.

ఢిల్లీ శత వసంతాలు పూర్తి చేసుకున్న సందర్భంగా.. జనవరి నుంచి ఏడాది పాటు ఉత్సవాలు జరిపాలని ఢిల్లీ ప్రభుత్వం నిర్ణయించింది.
భారత దేశ సార్వభౌమత్వానికి ప్రతీక అయిన అమూల్యమైన భవనాన్ని భవనాన్ని తీవ్రవాదుల నుండి ఆ జవాన్లు రక్షించగలిగారు. 2001 డిసెంబర్ 13న జైషే మహ్మద్ ఉగ్రవాద సంస్థలోని ముష్కరులు.... పార్లమెంటు భవనం దాడికి ప్రయత్నించారు. ఆ దాడిని సీఆర్పీఎప్ జవాన్లు తిప్పి సమర్థవంతంగా తిప్పి కొట్టారు. ఉగ్రవాదుల తూటాలకు 8 మంది జవాన్లు నేలకొరిగారు.