Kids Drugged To Be Street Beggars In Bangalore

Posted: 12/16/2011 05:10 PM IST

సభ్య సమాజం నివ్వెరపోయేలా పి ల్లలకు మత్తు మందు ఇచ్చి ముష్టెత్తించే ముఠానొకదాన్ని బెంగళూరు లో పోలీసులు కనుగొన్నారు. వీరి బారినుంచి 300 మంది చిన్నపిల్లలను కాపాడటంతో నగరవాసులు నిర్ఘాంతపోయారు. వీరిలో మూడో వంతుమంది మూడేళ్లలోపువారే కావడం విశేషం. చిన్నపిల్లలకు మత్తు మందు ఇచ్చి.. వారి చేత రోజంతా భిక్షమెత్తిస్తారు. కెమేరాను గమనించిన వీరంతా అక్కడ నుంచి పరుగులు తీశారు. కొంచెం వయసున్న పిల్లలను కూడా కెమేరాకు చిక్కకుండా దాక్కోవాలని వాళ్ళు సూచించారు.

పోలీసులు రక్షించిన వారిలో 108 మంది పిల్లలకు చాలాకాలం గా మత్తుమందు ఇస్తున్నట్టు గమనించారు. వీరిలో కొంతమంది రెం డు రోజులుగా మగత నిద్రలోనే ఉండటం పౌరసమాజాన్ని దిగ్భ్రాంతికి గురిచేస్తోంది. బాలల చేత భిక్షమెత్తిస్తున్న ముఠా వెనుక కీలకవ్యక్తులను ఎవరినీ పోలీసులు ఇంకా అరెస్టు చేయలేదు. అయితే, బెంగళూరు వీధుల్లో ముష్టి ఎత్తుతున్న 1100 మంది పిల్లలకు సంబంధించిన వీడియో ఆధారాలు ఉన్నాయని తెలిపారు. పిల్లల్లో ఆంధ్రప్రదేశ్, రాజస్థాన్, ఛత్తీస్‌గఢ్ రాష్ట్రాలకు చెందిన వారు తొమ్మిది మంది ఉన్నారని అక్రమ రవాణా నిరోధక విభాగం ఇన్‌స్పెక్టర్ ఆనంద్ కబ్బూరి తెలిపారు. పిల్లల అక్రమ రవాణాకు, బా లలు వీధుల్లో భిక్షమెత్తడానికి అవినాభావ సంబంధం కనిపిస్తోందని అభిప్రాయపడ్డారు.