సినిమాల ప్రభావమో.. లేక సీరియళ్ల ప్రభావమో తెలియదు కానీ.. చిన్నారులను నేరప్రవృత్తులుగా మార్చేసింది. పర్యవసానాలపై కించిత్ కూడా అలోచన చేయని చిన్నారులు.. ఓ వ్యక్తి తలను గురిపెట్టి తుపాకీతో కాల్పులు జరిపారు. ఇంతకీ ఆ వ్యక్తినే ఎందుకు టార్గెట్ చేశారంటే.. అతడు ఆ చిన్నారులలోని ఒకరి తండ్రిని కొట్టాడు. దీంతో అతడి కొడుకు తనపై ప్రతీకారం తీర్చుకునేందుకు తుపాకీతో అతడి ముఖంపై కాల్పులు జరిపాడు. దేశ రాజధాని ఢిల్లీలోని జహంగీర్పురి ప్రాంతం సమీపంలో ఈ ఘటన జరిగింది. ఈ ఘటన చిన్నారుల్లో నేరప్రవృత్తిపై తీవ్రచర్చకు కూడా దారితీసింది.
వివరాల్లోకి వెళ్తే అదే ప్రాంతానికి చెందిన 36 ఏళ్ల జావేద్, శుక్రవారం సాయంత్రం స్థానిక పార్కు సమీపంలో కూర్చొని ఉన్నాడు. అతడికి తెలిసిన ముగ్గురు బాలురు అక్కడకు వచ్చారు. ఒక బాలుడు తన ప్యాంట్ జేబు నుంచి తుపాకీ తీశాడు. జావేద్కు దగ్గరగా వెళ్లి అతడి ముఖంపై కాల్పులు జరిపాడు. అనంతరం ఆ ముగ్గురు బాలురు అక్కడి నుంచి పారిపోయారు. కాగా, బాలుడి తుపాకీ కాల్పుల్లో జావేద్ కుడి కంటికి తీవ్ర గాయమైంది. తొలుత అతడ్ని స్థానిక ఆసుపత్రికి తీసుకెళ్లారు. అనంతరం మెరుగైన వైద్యం కోసం మరో ఆసుపత్రికి తరలించారు.
ఈ సమాచారం అందుకున్న పోలీసులు జావేద్పై కాల్పులకు సంబంధించి నలుగురు మైనర్ బాలురను అరెస్ట్ చేశారు. అందులోని ఒక బాలుడి తండ్రిని ఏడు నెలల కిందట జావేద్ కొట్టడంతో వారు అతడిపై ప్రతీకారం తీర్చుకున్నారని పోలీసులు తెలిపారు. ఆ బాలుర నుంచి ఒక నాటు తుపాకీని స్వాధీనం చేసుకున్నట్లు చెప్పారు. కంటికి బుల్లెట్ గాయమైన జావేద్ పరిస్థితి నిలకడగా ఉందన్నారు. హత్యాయత్నం కింద కేసు నమోదు చేసి దర్యాప్తు చేస్తున్నట్లు వెల్లడించారు. మరోవైపు అక్కడి సీసీటీవీలో రికార్డైన ఈ వీడియో సోషల్ మీడియాలో వైరల్ అయ్యింది.
#WATCH | Delhi: 4 minor boys apprehended for firing at a man in Jahangirpuri on 15th July. The man has been hospitalised. Case u/s 307 IPC registered. Accused say that the man had beaten up father of one of the minors 7 months back & they had come to take revenge.
— ANI (@ANI) July 16, 2022
(Source: CCTV) pic.twitter.com/Icl2i4x3LN
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more