ITEMVIDEOS: సింహాన్ని తరిమిన శునకం.. గ్రామస్థుల వీడియో వైరల్

Posted: 05/11/2022 04:06 PM IST

Video of lion gambolling with dog in gujarat shocks villagers

గ్రామసింహాలు ఎంతో విశ్వాసంతో కూడుకున్నవి. వాటిని నమ్మి పూట అన్నం పెట్టిన మనుషులకు ఎంతో విశ్వాసంగా ఉంటాయి. తమ యజమానుల కోసం అవసరమైతే ప్రాణాలను కూడా తృణప్రాయంగా అర్పిస్తాయి. గ్రామానికి తామే సింహాలమని భావిస్తున్న ఈ శనకాలు.. అవసరమైతే సింహాలతోనూ కూడా తమ పోలిమేరల్లోకి రానీయకుండా తరుముతాయి. ఔనా.. భలే చెప్పారు కానీ.. ఇక చాలు,. చాలా ఓవర్ అయ్యింది. అని అంటారా. కానీ ఇది నిజమే. ఓ గ్రామసింహం ఏకంగా సింహాన్ని గ్రామంలోనికి రానీయకుండా తరిమేసింది. అడ‌వికి రారాజైన మృగరాజు.. గ్రామంలోకి అడుగుపెట్టాగానే ఓ శున‌కం దానికి చెమ‌ట‌లు ప‌ట్టించింది.

ఏదో సాదాసీదాగా మృగరాజుకు కొంత దూరంగా వుండి అరవడం కాదు.. ఏకంగా ఆ సింహాన్ని వెంబడిస్తూ చుక్క‌లు చూపించింది. శున‌కం దెబ్బ‌కు సింహాం తన కాళ్లకు పనిచెప్పింది. ఈ ఘ‌ట‌న గుజ‌రాత్ రాజ్‌కోట్‌ జిల్లాలోని లోధికా తాలుకాలోని మాగాణి గ్రామ‌ ప‌రిస‌రాల్లో వెలుగు చూసింది. ఈ గ్రామ సమీపంలో కొద్దిరోజులుగా సింహాలు సంచరిస్తున్నాయి. అయితే సింహాలను ప్రత్యక్షంగా చేసేందుకు కొన్ని జాగ్రత్తలను తీసుకున్న స్థానిక ప్రజలు వాటిని చూసేందుకు వస్తుంటారు. అయితే అక్కడ కనిపించిన దృశ్యం చూసి ఆశ్చర్యపోయారు.

వన్యమృగాల నుంచి తమ పంటలను కాపాడేందుకు రైతులు తమ శునకాన్ని కాపలాగా ఉంచారు. అయితే రెండు రోజుల క్రితం ఆ పంట పొలాల వైపు ఓ సింహాం వ‌చ్చింది. సింహాన్ని చూసిన న‌ల్ల కుక్క ఏ మాత్రం బెద‌ర‌లేదు. పంటపొలాల నుంచి గ్రామం వైపు వ‌స్తున్న సింహాన్ని ఆ శున‌కం వెంటాడింది. ఈ ఘ‌ట‌న‌ను చూసి రైతులు ఆశ్చ‌ర్య‌పోయారు. రైతులు అందించిన స‌మాచారంతో సింహాన్ని చూసేందుకు జ‌నాలు భారీగా త‌ర‌లివ‌చ్చారు. సింహాన్ని గ్రామ స‌రిహ‌ద్దుల నుంచి శున‌కం త‌రిమికొట్టింది. ప్ర‌స్తుతం ఈ వీడియో సామాజిక మాధ్య‌మాల్లో వైర‌ల్‌గా మారింది.

గుజ‌రాత్ రాజ్‌కోట్ జిల్లాలోని లోధికా తాలుకాలోని మాగాణి గ్రామ‌ ప‌రిస‌రాల్లో సింహాన్ని ఓ శున‌కం త‌రిమిన దృశ్యం.. ఆశ్చ‌ర్య‌పోయిన రైతులు pic.twitter.com/PWHbPtjlqo
— Namasthe Telangana (@ntdailyonline) May 11, 2022