ITEMVIDEOS: లారీ డ్రైవర్ విలనిజం.. వాహనం నిలపాలన్న టోల్ ప్లాజా సిబ్బందిని..

Posted: 04/28/2022 01:16 PM IST

Viral video truck driver tries to run over toll plaza employee

ఓ లారీ డ్రైవర్ టోల్గేట్ సిబ్బందికి చుక్కలు చూపించాడు. లారీని ఆపాలని అడ్డుకున్న సిబ్బందిని ముప్పుతిప్పలు పెట్టాడు. సినిమాల ప్రభావమో లేక అతనిలోని నేరప్రవృత్తి కారణమో తెలియదు కానీ.. ఏం చేసైనా సరే తప్పించుకోవాలని చూసిన లారీ డ్రైవర్.. ఆ ప్రయత్నంలో లారీ ముందుభాగంలో బంపర్ పైకి ఎక్కిన టోట్ ప్లాజా సిబ్బందిని అలాగే ఉంచి ఆపకుండా 10 కిలోమీటర్లు తీసుకెళ్లాడు. ఎక్కడ ఏ చిన్న పోరబాటు జరిగినా నిండు జీవితం బలైపోయేది. అయితే పోలీసులు రంగప్రవేశం చేయడంతో టోల్ ప్లాజా సిబ్బందికి ప్రాణం తిరిగివచ్చినట్లు అయ్యింది.

ప్రస్తుతం ఈ వీడియో సామాజిక మాధ్యమాల్లో చక్కర్లు కొడుతోంది. అసలేం జరిగిందంటే..? కర్నూలు జిల్లాలో ఓ లారీ డ్రైవర్ టోల్గేట్ సిబ్బందికి చుక్కలు చూపించిన వీడియో సామాజిక మాధ్యమాల్లో వైరల్గా మారింది. పేందుకు యత్నించిన టోల్‌గేట్‌ సిబ్బందిని సైతం లెక్క చేయకుండా ఓ లారీ డ్రైవర్‌ నిర్లక్ష్యంగా వాహనం నడిపిన ఘటన కర్నూలు జిల్లాలో జరిగింది. అమకతాడు టోల్ గేట్ వద్ద హరియాణా లారీని ఆపమని గుత్తి టోల్‌గేట్ సిబ్బంది ఫోన్ చేసి చెప్పారు. లారీని ఆపేందుకు అమకతాడు టోల్ ప్లాజా సిబ్బంది శ్రీనివాసులు యత్నించాడు.

శ్రీనివాసులు లారీ ముందు భాగంలోని లారీ బంఫర్ పై ఎక్కి.. డ్రైవర్ ను కారును పక్కన నిలబెట్టాలని చెప్పే ప్రయత్నం చేశాడు. అయితే ఆయన అలా ముందు నిలబడినా.. డ్రైవర్ ఏమాత్రం పట్టించుకోకుండా లారీని ముందుకు పోనిచ్చాడు. ఒకటి రెండు కాదు ఏకంగా 10 కిలోమీటర్ల దూరం పాటు 40కి మించిన వేగంతో పోనిచ్చాడు. అప్రమత్తమైన టోల్‌గేట్ సిబ్బంది నాలుగు బైక్‌లతో లారీని వెంబడించి... హైవే పోలీసులకు సమాచారం అందించారు. వెల్దుర్తి దగ్గర పోలీసులు లారీని ఆపి శ్రీనివాసులును కాపాడారు. ఈ ఘటన దృశ్యాలు సామాజిక మాధ్యమాల్లో వైరల్ అవుతున్నాయి.