ITEMVIDEOS: విమానంలో విషధరము.. టెన్షన్ లో ప్రయాణికులు.. ఆ తరువాత..

Posted: 02/14/2022 12:11 PM IST

విమానయానం. అందులోనూ ఒక దేశం నుంచి మరో దేశానికి వెళ్తోంది. ఇకనేం అందులోని ప్రయాణికులు అందరూ హాయిగా సేదతీరుతారు. విమానం ఆకాశంలో దూసుకెళ్తోంది.. కొందరు సేద తీరుతుండగా, కొందరు శ్రావ్యానందం పొందుతుండగా, కొందరు పుస్తకపఠనం చేస్తున్నారు. మరికొందరు నిద్రకు ఉపక్రమించారు. అయితే ఇలా వెళ్తున్న విమానం ఒక్కసారిగా తన దారి మళ్లించింది. తమకు రూటులో లేని విమానాశ్రయంలో నిలిపివేసింది. వెంటనే ప్రయాణికులందరినీ కిందకు దిగాల్సిందిగా కోరింది. అంతే ఉరుకులు పరగుల మధ్య ప్రయాణికులందరూ కిందకు దిగారు.

వెంటనే సంబంధిత విమానాశ్రయంలోని అట్ ఎన్ని రిస్క్ సిబ్బంది విమానంలోకి ప్రవేశించి తమకు కావాల్సినది తీసుకున్నారు. అంతే దీంతో మళ్లీ ప్రయాణికులందరూ విమానంలోకి ప్రవేశించిగానే విమానం బయలుదేరి వెళ్లింది. ఏంటీ ఇదేమైనా హైజాకా.? అన్న సందేహాలు వస్తున్నాయా.? కాదండీ విమానంలోకి ప్రవేశించిన అనుకోని అతిధిని ఎయిర్ ఫోర్టులోని ఎట్ ఎనీ రిస్క్ సిబ్బందీ తీసుకుని వెళ్లారు. ఎవరా అతిధి అంటారా.? విషమును ధరించిన త్రాచు పాము. అదేనండీ విషధరము. విమానం టేకాఫ్ అయి అకాశంలో విహరిస్తున్న తరువాత ప్రయాణికుల తలపై ఉంటే లగ్యేటీ రాక్ వద్ద కనిపించింది. దీంతో ప్రయాణికులు టెన్షన్ కు గురయ్యారు.

వెంట‌నే విమానం నడిపిస్తున్న మహిళా పైల‌ట్‌ హనా మోసిన్ ఖాన్ కు స‌మాచారం అందించారు. పాము వ‌ల్ల ఎవ‌రికీ హానీ క‌లిగించొద్ద‌నే ఉద్దేశంతో ఆ విమానాన్ని పైలట్ దారి మ‌ళ్లించాడు. అయితే ఎయిర్ ఏషియా విమానం కౌల‌లంపూర్ నుంచి మ‌లేషియాలోని త‌వుకు వెళ్తుండ‌గా ఈ ఘ‌ట‌న చోటు చేసుకుంది. విమానాన్ని కుచింగ్ ఎయిర్‌పోర్టుకు మ‌ళ్లించి.. పామును విమానం నుంచి బ‌య‌ట‌కు పంపించేశారు. అయితే విమానంలోకి పాము ఎలా ప్ర‌వేశించింద‌నే అంశంపై అధికారులు విచార‌ణ జ‌రుపుతున్నారు. ల‌గేజ్ బ్యాగులో నుంచి పాము వ‌చ్చిందా? లేక విమానం ల్యాండైన స‌మ‌యంలో నేరుగా పాము ప్ర‌వేశించిందా? అనే విష‌యం తేలాల్సి ఉంది.

Yikes!
Snake on a plane!
Either an escaped pet from passenger carry on/luggage or possibly climbed its way into the aircraft from the ground.

Air Asia Airbus A320-200,Kuala Lumpur to Tawau.
This dude happily stayed inside the illuminated area till plane was diverted pic.twitter.com/jqopi3Ofvp

— Hana Mohsin Khan | هناء (@girlpilot_) February 12, 2022