తగ్గిన కరోనా మహమ్మారి కేసులు.. ఐదు లక్షలు దాటిన మరణాలు

Posted: 02/04/2022 12:01 PM IST

Coronavirus live updates india logs 1 49 lakh new cases death toll passes 500 000

దేశవ్యాప్తంగా కరోనా కేసుల సంఖ్య గణనీయంగా తగ్గుముఖం పడుతోంది. గడిచిన 24 గంటల్లో దేశంలో 1,49,394 కొత్త కేసులు నమోదు అయ్యాయని కేంద్ర వైద్యఅరోగ్య మంత్రిత్వశాఖ వెల్లడించింది. అంతకు ముందు రోజుతో పోలిస్తే ఏకంగా 13 శాతం కరోనా కేసుల్లో తగ్గుముఖం కనిపించింది. ఇక దేశంలో టెస్టుల ఆధారంగా పాజిటివిటీ రేటు 9.27 శాతంగా నమోదు అయ్యింది. ఇదిలావుంటే దేశంలో కరోనా మహమ్మారి బారిన పడి మరణించిన వారి సంఖ్య అధికారిక సంఖ్య ఏకంగా ఐదు లక్షల మార్కు దాటింది. ఇది అధికారికంగా ప్రభుత్వం వెల్లడించిన లెక్కల ప్రకారమే కాగా, ఇంతకు మించిన మరణాలు నమోదయ్యాయన్న వార్తలు వినబడుతున్నాయి. గడిచిన 24 గంటల వ్యవఁధిలో దేశంలో ఏకంగా 1072 మరణాలు నమోదయ్యాయి.

కాగా, దేశంలో కరోనా బారిన పడి కోలుకున్న వారి సంఖ్య కూడా గణనీయంగా పెరిగింది. రికవరీల సంఖ్య 2, 46, 674 కాగా, గత ఒక్కరోజులో కరోనాతో దేశవ్యాప్తంగా 1,072మంది చనిపోయారు. దీంతో దేశవ్యాప్తంగా కరోనా మరణాల సంఖ్య అధికారికంగా ఐదు లక్షలు దాటింది(5, 00,055). ప్రస్తుతం యాక్టివ్‌ కేసులు 14, 35, 569గా ఉంది. అత్యధిక కేసులు Omicron variant of SARS-COV2(ఒమిక్రాన్‌ వేరియెంట్‌)వే ఉన్నాయి. దేశవ్యాప్తంగా వ్యాక్సినేషన్‌ 168.47 కోట్ల డోసులకు చేరుకుంది. కరోనా విజృంభణ కేరళలో అత్యధికంగా కొనసాగుతోంది. అమెరికా, బ్రెజిల్‌ తర్వాత అత్యధిక కరోనా మరణాలు నమోదు అయిన దేశంగా భారత్‌ నిలిచింది. ప్రపంచవ్యాప్తంగా ఇప్పటివరకు 387.5 మిలియన్ల కరోనా కేసులు నమోదు అయ్యాయి.