మందుబాబులకు దిమ్మతిరిగే షాక్.. మళ్లీ ధరలను పెంచిన సర్కార్..!

Posted: 11/10/2021 09:58 PM IST

Ap govt issued new go over liquor prices charges huge vat on liquor

ఆంధ్రప్రదేశ్‌లో మందుబాబులకు జగన్ సర్కారు మరోసారి బిగ్ షాకిచ్చింది. మద్యంపై పన్ను రేట్లు సవరిస్తూ ఏపీ సర్కార్ ఉత్తర్వులు జారీ చేసింది. వ్యాట్‌లో మార్పు చేస్తూ రాష్ట్ర ఎక్సైజ్ శాఖ జీవో జారీ చేసింది. మద్యం మూల ధరపై తొలి విక్రయం జరిగేచోట పన్ను సవరణ చేసింది. దేశంలో తయారైన విదేశీ బ్రాండ్లపై ధర ఆధారంగా పన్నుల్లో మార్పులు చేసింది. ఏపీలో రూ. 400 లోపు ఉన్న బ్రాండ్లకు 50 శాతం మేర వ్యాట్ విధించింది.

అలాగే రూ. 400- రూ. 2,500 మద్యం కేసుకు 60 శాతం వ్యాట్ వసూలుకు నిర్ణయం తీసుకుంది. రూ. 2,500 నుంచి రూ. 3,500 వరకు ఉన్న మద్యం కేసుకు 55 శాతం వ్యాట్ విధించింది. రూ.3,500-5,000 ధర ఉన్న మద్యం కేసుపై 50 శాతం వ్యాట్‌ పడింది. రూ. 5 వేలు, ఆపై మద్యం కేసుపై 45 శాతం వ్యాట్ వసూలుకు నిర్ణయం తీసుకుంది.

దేశీయ తయారీ బీర్‌ కేసుపై రూ. 200 కంటే తక్కువ ఉన్న వాటిపై 50 శాతం వ్యాట్‌ వేయనున్నారు. రూ. 200 కంటే ఎక్కువ ధర ఉన్న బీర్ కేసుపై 60 శాతం వ్యాట్ విధించనున్నారు. ఇక, అన్ని రకాల మద్యంపై 35 శాతం వ్యాట్ వేయాలని ఆబ్కారీ శాఖ నిర్ణయం తీసుకుంది. అలాగే రెడీ టు డ్రింక్‌లపై 50 శాతం వ్యాట్ విధిస్తున్నట్లు ఎక్సైజ్ శాఖ ప్రత్యేక ప్రధాన కార్యదర్శి ఉత్తర్వులు జారీ చేశారు.

బ్రాండ్‌ల వారీగా పన్నులో చేసిన మార్పులు ఇలా..
* రూ.400 లోపు ఉన్న మద్యం బ్రాండ్లపై: 50 శాతం వ్యాట్‌
* రూ.400 నుంచి రూ.2,500 వరకు ఉన్న మద్యం కేసుపై: 60 శాతం వ్యాట్‌
* రూ.2,500 నుంచి రూ.3,500 వరకు ఉన్న మద్యం కేసుపై: 55 శాతం వ్యాట్‌
* రూ.5,000, ఆపై ఉన్న మద్యం కేసుపై: 45 శాతం వ్యాట్‌
దేశీయ తయారీ బీర్ కేసుపై..
* రూ.200 కంటే తక్కువున్న ధర ఉన్న బ్రాండ్లపై: 50 శాతం వ్యాట్‌
* రూ.200 కంటే ఎక్కువ ధర ఉన్న బీర్ కేసుపై: 60 శాతం వ్యాట్‌