ITEMVIDEOS: ‘జూ’లొ తలపడ్డ రెండు కుటుంబాలు,, రాత్రి అనుసరించిన వన్యమృగాలు..

Posted: 08/10/2021 05:17 PM IST

ఒక్కోసారి మనిషి ఒకటి తలుస్తాడు.. కానీ దైవం మరోటి తలుస్తాడు. సరదాగా వన్యమృగాలను వీక్షించి.. అక్కడ కొద్ది సేపు సేద తీరి వద్దామనుకుని వెళ్లిన రెండు వేర్వేరు కుటుంబాలు.. జూలో చేసిన పని చూసి అందులో ఉండే వన్యమృగాలు కూడా అచ్చంగా ఈ రెండు కుటుంబాలకు చెందిన మనుషులు వ్యవహరిచిన తీరునే ప్రవర్తించాయట. ఇక వాటిని అలా చేయకూడదు అని చెప్పడానికి జూ సిబ్బందికి తలకుమించిన పనైంది. ఔనా.. ఇంతకీ జూలోని వన్యమృగాలను చూసేందుకు వచ్చిన ఆ రెండు కుటుంబాలు ఏం చేశాయి.? అనేగా మీ సందేహం..

ఆలస్యం లేకుండా మ్యాటర్ లోకి ఎంటరైతే.. జూ సందర్శనకు వచ్చిన పర్యాటకుల మధ్య జరిగిన గొడవ తీవ్ర ఘర్షణకు దారి తీసింది. చివరికి రెండు కుటుంబాలు కలబడ్డాయి.. కిందపడి కొట్టుకున్నాయి. జుట్లు చేతబట్టి లాక్కున్నాయి. బట్టలను చింపుకున్నాయి. చెంపదెబ్బలు కొట్టుకున్నాయి. చైనా రాజధాని బీజింగ్‌లోని వైల్డ్‌లైఫ్ పార్క్‌లో ఆదివారం జరిగిన ఈ ఘటనకు సంబంధించిన వీడియో ఒకటి సోషల్ మీడియాలో వైరల్ అవుతోంది. జూ సందర్శనలో పర్యాటకులు బిజీగా ఉన్న వేళ ఇద్దరి మధ్య మొదలైన వాగ్వివాదం ఘర్షణకు దారితీసింది. అది క్రమంగా ఇరు కుటుంబాలు కలబడే స్థాయికి వెళ్లింది. ఇరు వర్గాల్లోని మహిళలు జుట్లు పట్టుకుని నేలపై పడి కొట్టుకున్నారు.

చేతిలో చంటి బిడ్డతో ఉన్న ఓ మహిళ నేల మీద పడివున్న మహిళ జుట్టు పట్టుకుని లాగుతుండగా, మరో వ్యక్తి వచ్చి చంటి పిల్లాడితో ఉన్న మహిళను బలంగా కడుపులోతన్నాడు. దీంతో ఆమె అల్లంత దూరంలో ఎగిరిపడింది. గొడవ చల్లారకపోగా, మరింత పెద్దది అవుతుండడంతో కల్పించుకున్న జూ సిబ్బంది ఇరు వర్గాలకు నచ్చజెప్పి పరిస్థితిని అదుపు చేశారు. వీరి గొడవను జంతువులు కూడా చూస్తూ ఉండిపోయాయని, రాత్రివేళ అవి కూడా మనుషులను అనుకరిస్తూ గొడవకు దిగుతున్నాయని జూ యాజమాన్యం పేర్కొనడం కొసమెరుపు.

A big fight that occurred at the Beijing Wildlife Park yesterday apparently set a very bad example for the animals witnessing it. According to the park, the animals imitated these wild humans and had their own altercation at night. (Video via Beijing Life/北京生活） pic.twitter.com/ldgn63ya6g

— Manya Koetse (@manyapan) August 8, 2021