భారత భద్రతా బలగాల విజయం: ఎల్ఈటీ టాప్ కమాండర్ అరెస్ట్

Posted: 06/28/2021 08:34 PM IST

జమ్మూకశ్మీర్ లోని భారత్ ఎయిర్ ఫోర్స్ స్టేషన్ పై డ్రోన్ దాడి జరిగిన ఘటనలో ఉగ్రసంస్థ లష్కర్ ఏ తోయిబాకు సంబంధాలు వున్నాయన్న వార్తలతోఅప్రమత్తమైన భారత భద్రతా బలగాలు ఎక్కడికక్కడ చెక్ పోస్టులు పెట్టి క్షణ్ణంగా తనిఖీలు చేపట్టాయి. ఈ నేపథ్యంలో జమ్మూలో టాప్ కమాండర్ నదీమ్ అబ్రార్ ని భద్రతా దళాలకు చిక్కాడు. శ్రీనగర్ శివార్లలోని పరిమ్ పొరా వద్దనున్న ఓ చెక్ పోస్ట్ వద్ద నదీమ్ సహా మరో అనుమానితుడిని భద్రతాధికారులు అదుపులోకి తీసుకన్నారు.

వీరిని తనిఖీ చేయడంతో వారి వద్ద ఓ పిస్టోల్,ఓ గ్రనేడ్ లభ్యమయ్యాయని.. వాటిని తాము స్వాధీనం చేసుకున్నామని భద్రతాధికారులు తెలిపారు. కాగా, కశ్మీర్ లో పౌరులపై మరియు భద్రతా దళాలపై పలు దాడుల్లో నదీమ్ ప్రమేయం ఉందని అధికారులు తెలిపారు. ఈ ఏడాది ప్రారంభంలో లవాయ్ పొరాలో ముగ్గురు సీఆర్పీఎఫ్ సిబ్బంది హత్య వెనుక నదీమ్ హస్తముందని స్థానిక పోలీసులు తెలిపారు. అనేక హత్యతత్లో నదీమ్ హస్తం ఉందని..అతడి అరెస్ట్ తమకు పెద్ద విజయని కశ్మీర్ ఐజీపీ విజయ్ కుమార్ ఓ ట్వీట్ లో తెలిపారు.