చైనా మార్షల్ ఆర్ట్స్ పాఠశాలలో అగ్నిప్రమాదం.. 18 మంది సజీవదహనం

Posted: 06/25/2021 12:31 PM IST

Fire at china martial arts school kills 18 mainly children

చైనాలో ఘోర అగ్నిప్రమాదం సంభవించింది. అర్థరాత్రి సమయంలో అకస్మాత్తుగా లేచిన అగ్నికీలలకు సుమారు 18 మంది మృతి చిన్నారులు సజీవ దహనమయ్యారు. కాగా.. మరో 16 మంది చిన్నారులు గాయపడ్డారు. వీరిలో నలుగురి పరిస్థితి అత్యంత విషమంగా ఉంది. ఈ ప్రమాదఘటన సెంట్రల్ చైనాలోని మార్షల్ ఆర్ట్స్ పాఠశాలలో చోటు చేసుకుంది. చైనా మీడియా ప్రకారం హెనాన్‌ ప్రావిన్స్‌లోని షాంగ్ కియు నగరంలోని జెచెంగ్‌ కౌంటీలో శుక్రవారం తెల్లవారు జామున మంటలు చెలరేగాయి.

ఈ ప్రమాదంలో మొత్తం 18 మంది మృతి చెందారని, 16 మంది గాయపడ్డారని అధికారులు తెలిపారు. ప్రమాదం సంభివించిన సమయంలో ఈ పాఠశాలలో మొత్తంగా 34 మంది విద్యార్థులు వున్నారని అధికారులు తెలిపారు. అయితే, అగ్ని ప్రమాదానికి గల కారణాలు తెలియరాలేదు. విషమంగా వున్న నలుగురు విద్యార్థులను బ్రతికించడానికి తాము చేయగలిగిందంతా చేస్తున్నామని అక్కడి వైద్యులు తెలిపారు. హెన్నాన్ ప్రావిన్స్ ప్రభుత్వ అదేశాల మేరకు ఈ పాఠశాల మేనేజరును అక్కడి పోలీసులు అదుపులోకి తీసుకున్నారు.

అగ్నిప్రమాదఘటనకు గల కారణాలు తెలియరాలేదని, అయితే దర్యాప్తు జరుగుతుందని అక్కడి పోలీసులు తెలిపారు. ఈ ఘటనకు సంబంధించి పూర్తి వివరాలు తెలియాల్సి ఉన్నది. మార్షల్ అర్ట్స్ కు జన్మస్థానంగా భావించే ఈ హెన్నాన్ ప్రావిన్స్ లో మరీముఖ్యంగా కుంగ్ ఫు అధ్యయనాలను విద్యార్థులకు బోదిస్తుంటారు. దీంతో భవిష్యత్తులో ఇలాంటి ప్రమాదాలు జరగకుండా హెన్నాన్ రాష్ట్ర ప్రభుత్వాలు జాగ్త్రత్త చర్యలు తీసుకోవాలని చైనా ప్రావిన్షియల్ పార్టీ అధినేత సూచించారు. ఈ ఘటన తనను తీవ్ర దిగ్భ్రంతికి గురిచేసిందన్నారు.