పంజాగుట్టలో ఇంట్లోకి చోరబడి ఒంటరి యువతిపై అఘాయిత్యం..

Posted: 03/10/2021 03:31 PM IST

హైద‌రాబాద్ నగరంలో ఇంట్లో అమ్మాయిలు ఒంటరిగా వున్న క్షేమంగా వుంటారన్న నమ్మకం లేదు. ఇంట్లో ఎవరూ లేరని, అమ్మాయి ఒక్కతే వుందని పక్కాగా సమాచారం అందుకున్న అగంతకులు తాము ప్రైవేటు బ్యాంకు నుంచి వస్తున్నామని, వారిట్లోకి చోరబడి ఓ అగంతకుడు యువతిపై దారుణానికి ఒడిగట్టాడు. అతనితో పాటు వచ్చిన మరో అగంతకుడు యువతిపై అత్యాచారం జరుగుతున్న సమయంలో కాపలాగా ఇంటి బయట పహారా కాసాడు. నిన్న రాత్రి ఈ ఘటన చోటుచేసుకోగా ఇవాళ ఉదయం వెలుగులోకి వచ్చింది.

హైదరాబాద్ నగరం నడిబొడ్డున వున్న పంజాగుట్ట, డీఎస్‌ మక్తాలో ఈ దారుణఘటన చోటుచేసుకుంది. అనునిత్యం జనసామర్థ్యం వున్న ప్రాంతంలో ఇలాంటి ఘటన చోటేచేసుకోవడంతో తీవ్ర కలకలం రేగింది. పోలీసులు తెలిపిన వివరాల ప్రకారం.. పంజాగుట్టలోని డీఎస్ మక్తా ప్రాంతంలో నివాసం వుంటున్న ఓ కుటుంబం.. మహారాష్ట్రకు వెళ్లింది. అయితే ఇంట్లో ఎవరూ లేకుండా వెళ్తే బాగోదని, 23 ఏళ్ల యువతిని ఇంటికి కపలాగా పెట్టి వెళ్లారు. దీంతో ఇంట్లో అమె ఒక్కతే ఒంటరిగా వుంటోంది.

ఈ విష‌యాన్ని తెలుసుకున్న ఇద్ద‌రు వ్య‌క్తులు నిన్న సాయంత్రం ఆమె ఇంటికి వ‌ెళ్లి, తాము ప్రైవేటు బ్యాంకు ఉద్యోగుల‌మ‌ని పరిచయం చేసుకున్నారు. తర్వాత తమ బ్యాంకు నుంచి ఫైనాన్స్‌ ఇస్తామని యువతితో మాట‌లు క‌లిపారు. అనంత‌రం వారిలో ఓ వ్యక్తి ఇంటి బయటకు వెళ్లి కాపలా ఉన్నాడు. ఇలోగా ఇంట్లో వున్న మరో అగంతకుడు యువతితో మాట్లాడుతూ ఆమెపై అత్యాచారానికి తెగబడ్డాట్టాడు. అనంత‌రం ఈ ఘటనపై ఆ యువతి పోలీసులకు ఫిర్యాదు చేయ‌డంతో ఆమెను పోలీసులు వైద్య పరీక్షల నిమిత్తం గాంధీ ఆసుప‌త్రికి తరలించారు. ఈ ఘటనపై పూర్తి వివ‌రాలు తెలియాల్సి ఉంది. నిందితులను గుర్తించ‌డానికి పోలీసులు అక్క‌డి సీసీటీవీ కెమెరాల‌ను ప‌రిశీలిస్తున్నారు.