ఏపీలో కరోనా తగ్గుముఖం: 7.96 లక్షల మార్కును అధిగమించి.. 24 గంటల్లో 3620 కేసులు

Posted: 10/22/2020 09:38 PM IST

Coronavirus in ap 3620 new covid 19 cases state tally pasts 7 96 lakh mark

ఆంధ్రప్రదేశ్ లో కరోనా వైరస్ మహమ్మారి తగ్గుముఖం పట్టింది. మే నెల చివరి వారం నుంచి వేగాన్ని పుంజుకున్న కరోనా మహమ్మారి రాష్ట్రంలో రోజుకు వందలాది మందిని తన ప్రభావానికి గురిచేస్తూ ఏకంగా 8 లక్షల మార్కుకు చేరువలో పయనిస్తోంది. ఇక పక్షం రోజులుగా రాష్ట్రంలో కరోనా కేసులు వేగానికి కళ్లాలు పడ్డాయి, మరోవైపు మరణాల సంఖ్య కూడా గణనీయంగా తగ్గుముఖం పట్టింది. రాష్ట్రంలో క్రమంగా తగ్గుతున్న మరణాలు, కేసులతో ప్రజలు కాసింత ఊరట చెందుతున్నారు. దాదాపుగా పక్షం రోజులుగా ప్రతీ రోజు నాలుగు వేల మార్కుకు పైగానే కరోనా పాజిటివ్ కేసుల నమోదు.. వరుసగా గత పది రోజులుగా నాలుగు వేల మార్కుకు పైగా నమోదయ్యాయి. రాష్ట్రంలో కరోనా కేసులు నిర్థారణతో ఏకంగా ఏడు లక్షల 97 వేల మార్కు చేరువలో నమోదయ్యాయి, ప్రభుత్వం కంటైన్మెంట్ జోన్లను ఏర్పాటు చేసి కఠిన చర్యలు తీసుకుంటున్నా వైరస్ ఏమాత్రం తగ్గుముఖం పట్టడం లేదు.

తమిళనాడు కోయంబేడు మార్కట్ లో విజృంభించిన కరోనా ఏపీపై కూడా తన ప్రభావాన్ని చాటింది. అప్పటి నుంచి కేసుల సంఖ్య అంతకంతకూ పెరుగుతూనే వుంది. గడిచిన 24 గంటల వ్యవధిలో 3 వేలమార్కుకు చేరువలో కేసులు నమోదు కావడం వైద్యాధికారులకు కాసింత ఊరటనిస్తోంది. తాజాగా నమోదైన పాజిటివ్ కేసులతో రాష్ట్రంలో మొత్తం కరోనా కేసుల సంఖ్య ఏకంగా ఏడు లక్షల 86 వేల మార్కును అధిగమించింది. ఈ మేరకు రాష్ట్ర వైద్యఆరోగ్య శాఖ తాజా బులిటెన్లో వివరాలను పేర్కోంది. తాజాగా 3620 మందికి కరోనా పాజిటివ్ గా నిర్ధారణ అయ్యింది. రాష్ట్రంలో మొత్తంగా 7,96,919 కరోనా కేసులు నమోదయ్యాయి. అయితే ఇందులో విదేశాల నుంచి వచ్చిన వారితో పాటు పోరుగు రాష్ట్రాలకు చెందిన వలస కార్మికులు ఎవరూ లేకపోవడం గమనార్హం.

ఇవాళ నమోదైన కరోనా కేసుల్లో అత్యధికంగా అత్యధికంగా పశ్చిమ గోదావరి, తూర్పు గోదావరి, చిత్తూరు, కృష్ణా, ప్రకాశం జిల్లాల్లో నమోదయ్యాయి. దీంతో పాటు అనంతపురం, గుంటూరు, నెల్లూరు, విశాఖపట్నం జిల్లాల్లో రమారమి రెండు వందలకు పైగా కరోనా కేసులు నమోదయ్యాయి, గత వారం రోజులుగా తగ్గుతున్న ఈ కేసులు మళ్లీ పెరగడంతో స్థానిక అధికార యంత్రాంగంతో పాటు జిల్లా వాసులను కూడా కలవరానికి గురిచేస్తోంది. ఇక రాష్ట్రంలో జిల్లాలవారీగా పరిశీలిస్తే.. ఆనంతపురంలో 196, చిత్తూరు జిల్లాలో 412, తూర్పు గోదావరి జిల్లాలో 492, గుంటూరు జిల్లాలో 385, కడప జిల్లాలో 212, కృష్ణా జిల్లాలో 370, కర్నూలు 66 పాజిటివ్ కేసులు నిర్థారణ అయ్యాయి.

నెల్లూరు జిల్లాలో 126, ప్రకాశం జిల్లాలో 311, శ్రీకాకుళం జిల్లాలో 126, విశాఖపట్నం జిల్లాల్లో 171, విజయనగరంలో 122, పశ్చిమ గోదావరి జిల్లాలోనూ 631 పాజిటివ్ కేసులు నమోదయ్యాయి, వైద్యశాఖ అధికారులు కరోనా కేసులు నమోదైన ప్రాంతాల్లో కంటైన్ మెంట్ జోన్లు ఏర్పాటు చేసి.. వైరస్ వ్యాప్తి చెందకుండా పటిష్ట చర్యలు తీసుకునన్నారు. ఇక పురపాలక సంఘాలు, గ్రామ పంచాయితీల ఆధ్వర్యంలో కంటైన్ మెంట్ జోన్లలో రసాయనాలు చల్లారు. ఆయా ప్రాంతాలను సానిటైజ్ చేశారు. కాగా, రాష్ట్రంలో గడిచిన 24 గంటల వ్యవధిలో కరోనా బారినపడి 16 మంది అసువులు బాసారు. గుంటూరు, చిత్తూరు, తూర్పుగోదావరి, కృష్ణా, ప్రకాశం, జిల్లాల్లో అధిక మరణాలు సంభవించాయి.

24 గంటల వ్యవధిలో 16 మంది కరోనాతో చికిత్స పొందుతూ మృతిచెందారు. గుంటూరు జిల్లాలో అత్యధికంగా నలుగురు కరోనాతో ప్రాణాలు కోల్పోగా.. చిత్తూరులో ఇద్దరు, తూర్పు గోదావరి జిల్లాలో ఇద్దరు, కృష్ణా జిల్లాలో ఇద్దరూ, ప్రకాశం జిల్లాలో ఇద్దరు, అనంతపురం, కడప, విశాఖపట్నం, పశ్చిమ గోదావరి జిల్లాలో ఒక్కొక్కరు చోప్పున మరణించారు, దీంతో రాష్ట్రంలో ఇప్పటి వరకు కరోనాతో మృతిచెందిన వారి సంఖ్య 6,524కి చేరింది. ఈ మేరకు రాష్ట్ర ప్రభుత్వం బులిటెన్‌ విడుదల చేసింది. దీంతో కోరాన వైరస్ బారిన పడి చికిత్స పోందుతూ ఇవాళ 3723 మంది అసుపత్రుల నుంచి డిశ్చార్జ్ కాగా, ఈ సంఖ్య 7,58,138 కు చేరడం రాష్ట్రప్రజలకు, వైద్య సిబ్బందికి కొంత ఊరటనిస్తోంది. రాష్ట్రంలో ప్రస్తుత్తం 32,257 యాక్టివ్ కేసులున్నాయి. ఇక కరోనా బారిన పడి.. విదేశాల నుంచి వచ్చి.. చికిత్స పోందుతున్న వారి సంఖ్య 434గా నమోదు కాగా, ఇతర రాష్ట్రాల నుంచి వచ్చిన వలస కార్మికుల సంఖ్య కూడా ఏకంగా 2461కు చేసింది.