దేశంలోని రైతులను కేంద్రంలోని బీజేపి ప్రభుత్వం నమ్మించి నట్టేట ముంచుతుందని అరోపిస్తూ వ్యవసాయ బిల్లులను రాజ్యసభలో ప్రవేశపెట్టిన వేళ, రైతుల పక్షాన నిలిచిన విపక్షాలకు చెందిన ఎనమిది మంది ఎంపీలు మరో అడుగుముందుకేసీ పోడియంలోకి దూసుకెళ్లి మరీ తమ నిరసన తెలిపిన విషయం తెలిసిందే. రైతులకు అన్యాయం జరిగితే సహించమని, నరేంద్రమోడీ సర్కార్ దేశంలోని రైతుల భూములను అన్యాక్రాంతం చేసేందుకే ఈ బిల్లులను తీసుకువస్తోందని అరోపిస్తూ.. ఆదివారం రోజున రాజ్యసభలో బిల్లులను అమోదిస్తున్న ఉపసభాపతి హరివంశ్ నారాయణ సింగ్ పై పుస్తకాలను, కాయితాలను విసురుతూ తమ నిరసనను వ్యక్తం చేశారు.
రాజ్యసభలో ఇలాంటి వైఖరి అసలు ఆమోదయోగ్యం కాదని, ఉపసభాపతిపై దూసుకువచ్చి.. కాయితాలు విసిరి నిరసన వ్యక్తం చేసిన 8 మంది పార్లమెంటు సభ్యులను రాజ్యసభ చైర్మన్ వెంకయ్య నాయుడు వారిని సభ నుంచి వారం రోజుల పాటు సస్పెండ్ చేశారు. అయినా వారు సభ నుంచి బయటకు వెళ్లకపోవడంతో సభ ఐదు పర్యాయాలు వాయిదా పడింది. అయితే తాము దేశంలోని రైతుల సంక్షేమాన్ని గురించి నిరసన తెలుపుతున్నామే తప్ప తమ సొంత ప్రయోజనాల కోసం కాదని ఎంపీలు నినదించారు. అయినా రాజ్యసభ వారిపై సస్పెన్షన్ వేటు వేయడంతో అందుకు నిరసనగా పార్లమెంటు ఆవరణలోని లాన్ లో మహాత్మా గాంధీ విగ్రహం వద్దే రాత్రంతా బైఠాయించిన ఎంపీలు అక్కడే నిరసన తెలిపారు.
పార్లమెంట్ ఆవరణలోని పచ్చిక బయళ్లలోనే కూర్చుని తమ నిరసనను కొనసాగిస్తున్న వారి వద్దకు ఇవాళ రాజ్యసభ ఉపసభాపతి హరివంశ్ నారాయణ సింగ్ వచ్చి అందరినీ ఆశ్చర్యపర్చారు. పార్లమెంటును ప్రభుత్వమే ఖూనీ చేసిందని.. ప్రజాస్వామ్యం పార్లమెంటులోనే అపహాస్యం అవుతుంది.. అంటూ రాసి వున్న ప్లకార్డులతో నిరసన తెలుపుతున్న వారి వద్దకు హరివంశ వచ్చి సాదరంగా పలకరించారు. తనతో పాటు ఓ బ్యాగులో ఛాయ్ ని కూడా తీసుకువచ్చిన ఆయన నిరసన తెలుపుతున్న ఎంపీలకు ఛాయ్ అందించారు. అయితే ఆయన అందించిన టీని ఎంపీలు తిరస్కారించారు. తమకు ఛాయ్ ముఖ్యం కాదని.. దేశానికి వెన్నుముక్కలా నిలుస్తున్న రైతులకు న్యాయం చేయాలని వారన్నారు.
రాజ్యసభ ఉపసభాపతి పదవిలో వున్న మీరు ఈ బిల్లుల అమోదంతో రైతు వ్యతిరేకిగా మారారంటూ అభివర్ణించారు. ఈ సందర్భంగా కాంగ్రెస్ ఎంపీ రిపురి బోరా మాట్టాడుతూ రాజ్యసభ ఉపసభాపతి తమ వద్దకు వచ్చి.. తాను ఉపసభాపతి హోదాలో రాలేదని, ఓక సహచరుడిగా, తోటి ఎంపీగా మాత్రమే ఇక్కడకు వచ్చానని తెలిపారన్నారు. అయితే ఆయన తమకు టీని ఆఫర్ చేసినా దానిని స్వీకరించేందుకు తాము నిరాకరించామని తెలిపారు. రైతుల పక్షాన నిలిస్తే తమను సభ నుంచి సస్పెండ్ చేయడాన్ని తప్పుబడుతూ తాము నిరసనకు దిగామని అన్నారు. కాగా, ప్రధాని నరేంద్రమోడీ మాత్రం రాజ్యసభ ఉపసభాపతి హరివంశ్ సింగ్ సస్పెండ్ అయ్యి నిరసన చేస్తున్న సభ్యులకు టీ ఇవ్వడాన్ని ప్రశంసించారు.
#WATCH: Rajya Sabha Deputy Chairman Harivansh brings tea for the Rajya Sabha MPs who are protesting at Parliament premises against their suspension from the House. #Delhi pic.twitter.com/eF1I5pVbsw
— ANI (@ANI) September 22, 2020
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more