ఆవుదూడ సేఫ్.. రక్షించబోయి నీటమునిగిన ఐదుగురు..

Posted: 09/09/2020 10:57 PM IST

5 people landed in the well to save the calf all died the calf survived

(Image source from: India.com)

ఆపదలో వున్నవారిని రక్షించడం కోసం ఐదుగురు వ్యక్తులు పూనుకున్నారు. అయితే ఆపదలో వున్నది ఎవ్వరు అన్నది కూడా ముఖ్యం. ఇక్కడ ఆపదలో కూరుకుపోయింది ఆ దూడ. అదీనూ హిందువుల పరమ పవిత్రమైన ఆవు దూడ. దీంతో దానిని రక్షించేందుకు ఐదుగురు పూనుకున్నారు. అయితే కాపాడేందుకు పూనుకున్న వారంతా ప్రాణాలు కోల్పోయారు. కానీ ఆవు దూడ మాత్రం సురక్షితంగా బబయటపడింది. ఈ ఘటన ఉత్తర్ ప్రదేశ్ రాష్ట్రంలోని గోండా జిల్లాలో చోటుచేసుకుంది. గొండాలోని రాజా మొహల్లాలో ఈ ఘటనతో విషాదాన్ని నింపింది.

ఎందుకంటే మరణించిన ఐదుగురు వ్యక్తులలో ముగ్గురు ఒకే కుటుంబానికి చెందినవారు కావడంతో రాజా మొహల్లాలో విషాదవాతావారణం అలుముకుంది. వివరాల్లోకి వెళ్తే.. స్థానికంగా వున్న పురాతనమైన పాడు బడిన బావిలో పడిపోయిన ఆవుదూడను రక్షించబోయి ఐదుగురు దానిని రక్షించేందుకు అందులోకి దిగారు, బావి పాడుబడడంతో స్థానికులు అం దులో చెత్త వేయడంతో అది దుర్గంధమయంగా మారింది. అయితే ఆవుదూడ కాపాడటమే తమ ముందు కనిపించిన లక్ష్యంగా భావించిన ఐదుగురు వరుసగా ఒకరి తరువాత ఒకరు అందులోకి దిగారు.

ముందుగా గమనించిన ఓ వ్యక్తి.. ఆవుదూడను రక్షించేందుకు నిచ్చెన సాయంతో బావిలోకి దిగాడు. చెత్తాచెదారం నీళ్లలో వుండటంతో అవి కాస్తా విషవాయువులను వెదజల్లుతున్నాయి. బావిలోకి దిగడంతోనే దానిని పీల్చి మూర్ఛపోయాడు. దీంతో ఆయనను బయటకు తీసుకొచ్చేందుకు మరో నలుగురు వ్యక్తులు కూడా బావిలోకి దిగారు. ముందుగా దిగిన వ్యక్తిని రక్షించబోయిన వారు ఆ ప్రయత్నంలో మూర్ఛపోయారు. అగ్నిమాపక దళం, మునిసిపాలిటీ సిబ్బంది వారిని బయటకు తీసి ఆస్పత్రికి తరలించారు. అప్పటికే ఆ ఐదుగురు చనిపోయారని వైద్యులు ధ్రువీకరించారు.