తెలంగాణ గురుకులంలో ఔట్ సోర్సింగ్ పద్దతిలో ఉపాధి అవకాశాలు

Posted: 07/28/2020 04:51 PM IST

తెలంగాణలోని నిరుద్యోగులకు శుభవార్త చెప్పిందీ రాష్ట్ర ప్రభుత్వం. తెలంగాణ ట్రైబల్ వెల్ఫేర్ రెసిడెన్షియల్ ఎడ్యుకషనల్ ఇన్‌స్టిట్యూషన్స్-TTWREIS పలు పోస్టుల భర్తీకి దరఖాస్తుల్ని స్వీకరిస్తోంది. అప్లై చేయడానికి మరో 2 రోజులే గడువుంది. నోటిఫికేషన్ వివరాలిలా వున్నాయి...  తెలంగాణ ట్రైబల్ వెల్ఫేర్ రెసిడెన్షియల్ ఎడ్యుకషనల్ ఇన్‌స్టిట్యూషన్స్-TTWREIS హైదరాబాద్ ఉద్యోగాల భర్తీకి నోటిఫికేషన్ విడుదల చేసింది. ఔట్ సోర్సింగ్ పద్ధతిలో నాన్ టీచింగ్ స్టాఫ్‌ను నియమించుకుంటోంది. మొత్తం 58 ఖాళీలు ఉన్నాయి. ఇవి తాత్కాలిక పోస్టులు మాత్రమే.

ఈ పోస్టులకు దరఖాస్తు ప్రక్రియ జూలై 15న ప్రారంభమైంది. ఈ పోస్టలకు దరఖాస్తు చేయడానికి 2020 జూలై 30 చివరి తేదీ. ఈ నోటిఫికేషన్ కు సంబంధించిన పూర్తి వివరాలను సంబంధిత వెబ్ సైట్ లో పోందుపర్చింది ప్రభుత్వం. http://www.tgtwgurukulam.telangana.gov.in/ వెబ్‌సైట్‌లో తెలుసుకోవచ్చు. ఇదే వెబ్‌సైట్‌లో ఆన్‌లైన్‌లో అప్లై చేయాల్సి ఉంటుంది. మొత్తం 58 ఖాళీలు ఉండగా అందులో స్టాఫ్ నర్స్- 3, కేర్ టేకర్ (డిగ్రీ కాలేజ్)- 10, ల్యాబ్ అసిస్టెంట్ (డిగ్రీ కాలేజ్)- 14, కంప్యూటర్ ల్యాబ్ అసిస్టెంట్ (డిగ్రీ కాలేజ్)- 2, జూనియర్ అసిస్టెంట్ కమ్ డీఈఓ- 1, ల్యాబ్ అసిస్టెంట్ / ల్యాబ్ అటెండర్- 14, కిచెన్ హెల్పర్- 3, ఆఫీస్ సబార్డినేట్స్- 11 పోస్టులున్నాయి.   

వేతనాల వివరాలు చూస్తే స్టాఫ్ నర్స్- రూ.17,500, కేర్ టేకర్ (డిగ్రీ కాలేజ్)- రూ.15,000, ల్యాబ్ అసిస్టెంట్ (డిగ్రీ కాలేజ్)- రూ.15,000, కంప్యూటర్ ల్యాబ్ అసిస్టెంట్ (డిగ్రీ కాలేజ్)- రూ.20,000, జూనియర్ అసిస్టెంట్ కమ్ డీఈఓ- రూ.15,000, ల్యాబ్ అసిస్టెంట్ / ల్యాబ్ అటెండర్- రూ.15,000, కిచెన్ హెల్పర్- రూ.12,000, ఆఫీస్ సబార్డినేట్స్- రూ.12,000 వేతనం లభిస్తుంది. ఆసక్తి వున్న అశావహులు ఈ పోస్టులకు ఆన్ లైన్ ద్వారా వెంటనే ధరఖాస్తు చేసుకోవాలని గురుకులం అధికారులు తెలిపారు.