తెలంగాణలో కరోనా విజృంభన: ముఫై మూడు వేల మార్కు ధాటిన కేసులు.. 348 మరణాలు

Posted: 07/12/2020 12:51 AM IST

(Image source from: Thewire.in)

తెలంగాణలో కరోనా మహమ్మారి మళ్లీ బుసకొడుతోంది. రోజురోజుకూ రాష్ట్రంలో పెరుగుతున్న కేసులు ముఫై వేల మార్కును దాటాయి. వీటికి తోడు మరణాలు కూడా అంతకంతకూ పెరుగుతున్నాయి. తెలంగాణ వాసులను ఎంతో కలవరానికి గురిచేస్తున్న మరణాలు.. ప్రతీ రోజు రాష్ట్రంలో సంభవిస్తుండడం అందోళన కలిగిస్తోంది. తాజాగా నమోదైన మరణాలతో తెలంగాణ.. ఏకంగా మరణాలలో 350 మార్కును చేరడం అందోళన రేకెత్తిస్తోంది. ఇదివరకే దేశంలో వందకుపైగా మరణాలు నమోదు చేసుకున్న తొమ్మిదవ రాష్ట్రంగా నమోదైన తెలంగాణ.. ఇక ఇటు కరోనా కేసులలోనూ పైకి ఎగబాకుతోంది. మునుపెన్నడూ లేని విధంగా ఏకంగా రాష్ట్రంలో రోజుకు వేయ్యి మేర కేసులు నమోదు కావడం రాష్ట ప్రజలను అందోళనకు గురిచేస్తోంది.

తెలంగాణ రాష్ట్రంలో మే నెల 7 నుంచి క్రమంగా పెరుగుతూ వస్తోన్న కేసులు గణనీయంగా పెరిగాయి. కాగా జూన్ నెలలో కేంద్రం దేశవ్యాప్తంగా విధించిన లాక్ డౌన్ కు పలు సడలింపులు తీసుకురావడంతో జనజీవనం వేగాన్ని అందుకుంది. ఈ క్రమంలో రాష్ట్ర రాజధాని నగరంలో కరోనా పట్ల అప్రమత్తంగా వ్యవహరించాల్సి వున్నా.. అటు ప్రభుత్వం కానీ, ఇటు ప్రజలు కానీ జాగ్రత్త చర్యలు పాటించకపోవడంతో గ్రేటర్ హైదరాబాద్ పరిధిలో కరోనా విజృంభన కోనసాగుతోంది. హైదరాబాద్ నగరం చుట్టూరా కరోనా మహమ్మారి మాటు వేయడం అందోళన రేపుతోంది. అయితే గ్రేటర్ లో కరోనా నియంత్రణకు కఠినమై చర్యలు తీసుకుంటున్నామని ప్రభుత్వం చెబుతున్నా.. కరోనా వ్యాప్తి మాత్రం అగడం లేదు. ఇవాళ తాజాగా నమోదైన కేసులలోనూ అత్యధిక కేసులు గ్రేటర్ కు పరిధిలోనివే కావడం గమనార్హం.

గత పక్షం రోజులుగా తెలంగాణ రాష్ట్రంలోనూ కరోనా పాజిటివ్ కేసులు పెరుగుతున్నాయి. ఫలితంగా తెలంగాణలో అంతకంతకూ పెరుగుతున్న కేసులు తాజాగా గడిచిన 24 గంటల వ్యవధిలో నమోదైన కేసులతో కలిపి మొత్తంగా పన్నెండు వేల మార్కును అందుకునేలా నమోదయ్యాయి, దీంతో దేశంలో అత్యధికంగా కరోనా కేసుల నమోదు చేసుకున్న 9వ రాష్ట్రంగా తెలంగాణ నిలిచింది. తాజాగా రాష్ట్రంలో 1178 కరోనా పాజిటివ్ కేసులు నమోదయ్యాయి. గ్రేటర్ హైదరాబాద్ లో అత్యధిక సంఖ్యలో కరోనా కేసులు నమోదయ్యాయి. ఒక్క జీహెచ్ఎంసీ పరిధిలోనే ఏకంగా 736 కోరానా పాజిటివ్ కేసులు నిర్థారణ అయ్యాయి, ఇవాళ గ్రేటర్ పరిధితో పాటు రంగారెడ్డి, మేడ్చల్ జిల్లాల్లోనూ కరోనా కేసులు అధికసంఖ్యలో నమోదయ్యాయి.

అయితే గత వారం రోజులుగా నమోదవుతున్న కేసుల కన్నా అధికసంఖ్యలో హైదరాబాద్ నగరంలో కరోనా కేసులు నమోదు కావడం కలకలం రేపుతోంది. దీంతో ఇప్పటివరకు రాష్ట్రంలో నమోదైన కేసులు మొత్తంగా 33000 మార్కును దాటిన విషయం తెలిసిందే, ఇవాళ ఇతర రాష్ట్రాల నుంచి వలస వచ్చిన కార్మికులెవరికీ కరోనా పాజిటివ్ నిర్థారణ కాలేదని, అన్ని రాష్ట్రానికి చెందిన వారివేనని రాష్ట్ర వైద్య అరోగ్యశాఖ వెల్లడించింది. ఇక గడిచిన 24 గంటల వ్యవధిలో మరణాల సంఖ్య మళ్లీ పెరిగింది. రాష్ట్రంలో గత 24 గంటల వ్యవధిలో తొమ్మిది మంది కరోనా బారిన పడి అసుపత్రులలో చికిత్సపోందుతూ అసువుల బాసారు. దీంతో రాష్ట్రంలో కరోనా మృతుల సంఖ్య 348కు చేరింది. గత వారం రోజులుగా రాష్ట్రంలో కరోనా కేసులు కూడా పెరుగుతుండటం అందోళనకర పరిణమం.

తాజాగా నమోదైన ఇవాళ నమోదైన 1178 కేసులతో మొత్తంగా రాష్ట్రంలో 33,402 కేసులు నమోదయ్యాయి, గ్రేటర్ పరిధిలో 736 కేసులు నమోదు కాగా, ఇక రంగారెడ్డి జిల్లాలో 125, మేడ్చల్ జిల్లా పరిధిలో 101, సంగారెడ్డి పరిధిలో 13 కేసులు పాజిటివ్ గా నిర్థారణ అయ్యాయి. ఇక ఖమ్మం 2, వరంగల్ అర్బన్ 20, వరంగల్ రూరల్ రెండు, నిర్మల్ లోనూ రెండు, కరీంనగర్ జిల్లాలో 24, జగిత్యాలలో 2, యాదాద్రిలో 9, పెద్దపల్లిలో 12, మెదక్ లో 16, మహబూబ్ నగర్ జిల్లాలో 12, మంచిర్యాలలో 5, నల్గొండలో 12, రాజన్న సిరిసిల్ల జిల్లాలో 24, అదిలాబాద్ లో 8, అసిఫాబాద్ లో 1, నారాయణ పేట్ లో 5, వికారాబాద్ లో 9, జనగాంలో 2, నిజామాబాద్ లో 12, వనపర్తిలో రెండు, సిద్దపేటలో 9, సూర్యపేట్ లో 7, గద్వాల్ లో ఆరు కరోనా పాజిటివ్ కేసులు నిర్థారణ అయ్యాయి. ఇక ఇవాళ రాష్ట్రంలో తోమ్మిది మరణాలు సంభవించాయి.. దీంతో రాష్ట్రంలో మరణాల సంఖ్య కూడా 348కి చేరింది. కరోనా బారినపడిన బాధితులు కోలుకొని మొత్తంగా 20,919 మంది కోలుకొని ఇళ్లకు వెళ్లిపోయారు. ప్రస్తుతం రాష్ట్రంలో 12,125 యాక్టివ్‌ కేసులు వున్నాయని రాష్ట్ర వైద్యారోగ్య శాఖ వెల్లడించింది.