దేశవ్యాప్తంగా 60 వేలకు చేరిన కరోనా కేసులు.. 1981 మరణాలు

Posted: 05/09/2020 10:56 AM IST

దేశంలో కరోనా విజృంభన వేగంగా కోనసాగుతోంది. గత కొన్ని రోజులుగా దేశంలో ప్రతీరోజు మూడువేల మందికి పైగా కరోనావైరస్ బారిన పడుతున్నారు, దేశంలో ఎలాంటి సడలింపులు లేకుండా కఠినంగా లాక్ డౌన్ అమలు చేసిన సందర్భంగా రెండో విడత వరకు రోజుకు వెయి మందికి అటుఇటుగా నమోదైన కేసుల సంఖ్య మూడో విడత లాక్ డౌన్ అమల్లోకి వచ్చిన నాటి నుంచి రోజుకు మూడు వేల కేసులకు పైబడే పాజిటివ్ కేసులు నమోదవుతున్నాయి. దేశంలో అత్యధిక సంఖ్యలో వ్యాప్తి చెందుతున్న కరోనా మహమ్మారి వ్యాప్తి కూడా రికార్డు స్థాయిలో కొనసాగుతోంది. కాగా ఇవాళ తాజాగా నమోదూన సంఖ్య కూడా గరిష్ట స్థాయినే అందుకుంది.

గడిచిన 24 గంటల వ్యవధిలో 3320 కరోనా పాజిటివ్ కేసులు నమోదయ్యాయి. దేశంలో ఈ స్థాయిలో కరోనా కేసులు ఒక్కరోజులో బయటపడటం ఇది నాల్గవసారి. రెండు రోజుల క్రితం అత్యధికంగా 3900 సంఖ్య నమోదైన తరువాత అస్థాయిలో క్రితం రోజున మూడు వేల ఐదు వందల సంఖ్యలో ప్రభావితం చేసిన కరోనా క్రితం రోజున 3390 కేసులతో తృతీయ స్థాయిని అందుకోగా, ఇవాళ తాజాగా నాల్గవ గరిష్టస్థాయిలో దేశప్రజలను ప్రభావితం చేసింది. దీంతో దేశవ్యాప్తంగా కరోనా పాజిటివ్ కేసుల సంఖ్య 60 వేల మార్కును చేరింది. దేశవ్యాప్తంగా మొత్తం 59 వేల 662 మందిని ఈ మహమ్మరి తన ప్రభావానికి గురిచేసింది. ఇక కరోనా వైరస్ బారిన పడి మరణిస్తున్న వారి సంఖ్య కూడా అంతకంతకూ పెరుగుతోంది. గడిచిన 24 గంటల వ్యవధిలో దేశంలో 95 మరణాలు సంభవించడంతో దేశంలో మొత్తం మరణాల సంఖ్య 1981కు చేరింది.

దీంతో వైరస్‌ బారిన పడిన వారిలో ఇప్పటి వరకు 17,847 మంది కోలుకున్నారని కేంద్ర వైద్య ఆరోగ్య మంత్రిత్వ శాఖ తెలిపింది. ఇక 39,834 మంది మాత్రం వివిధ ఆసుపత్రుల్లో చికిత్స పోందుతున్నారు. గతకొన్ని రోజులుగా కరోనా నుంచి కోలుకుంటున్నవారి సంఖ్య పెరగడం కాస్త ఊరటనిస్తోండగా, రానున్న రోజుల్లో కరోనా తీవ్రత మరింత పెరిగే అవకాశాలు వున్నాయని నిపుణులు అంచనాలు ప్రజలను అందోళనకు గురిచేస్తున్నాయి. మహారాష్ట్రలో కరోనా వైరస్ విలయతాండవం చేస్తోంది. ఈ రాష్ట్రంలో కరోనా కేసులు ఏకంగా 19 వేల మార్కును దాటాయి.  ేకంగా 731 మంది అసువులుబాసారు. మహారాష్టలో నమోదైన కేసుల్లో అత్యధికంగా దేశ అర్థిక రాజధాని ముంబైలోనే నమోదయ్యాయి.