తెలంగాణలో పెరిగిన కరోనా పాజిటివ్ కేసులు, 650కు చేరిన సంఖ్య

Posted: 04/16/2020 09:24 AM IST

No new coronavirus cases reported in telangana as of 8 00 am apr 16

తెలంగాణలో కరోనా మహమ్మారి నియంత్రణలోకి వచ్చిందా.? అంటే ఔననే చెప్పాలి. దక్షిణాది రాష్ట్రాల్లో తమిళనాడు తరువాత అద్యథిక కరోనా పాజిటివ్ కేసులతో పాటు మరణాల సంఖ్యను కూడా పెంచుకూంటూ వెళ్లిన రాష్ట్రంలో మొత్తానికి తొలిసారి రాత్రి నుంచి ఇవాళ ఉదయం వరకు ఒక్క కేసు కూడా నమోదు కాకపోవడం గమనార్హం. ముఖ్యమంత్రి కేసీఆర్ సహా ఆరోగ్యశాఖ మంత్రి ఈటెల రాజేందర్ గత వారం పది రోజులుగా తెలంగాణలో కరోనా వైరస్ నియంత్రణకు అన్ని చర్యలు చేపడుతున్నామని, త్వరలోనే ఈ సంఖ్య తగ్గముఖం పడుతుందని చెప్పారు.

ఎట్టకేలకు కరోనా మహమ్మారిని తెలంగాణ ప్రభుత్వం కట్టడి చేయగలిగింది. సికింద్రాబాద్ లోని మహేంద్రహిల్స్ లో వుండే బాధితుడి నుంచి రాష్ట్రంలో నమోదైన తొలి కేసు నుంచి హజ్రాత్ నిజాముద్దీన్ ఘటన వెలుగు చూసిన నేపథ్యంలో అంతకంతకూ పెరుగత తెలంగాణలో మహమ్మారి విలయతాండవం చేసింది. ఇప్పటికీ 18 మంది రాష్ట్రవాసులను పొట్టనబెట్టుకున్న కరోనా మహమ్మారి.. తాజాగా ఇవాళ ఏ ఒక్కరిని తన కబంధ హస్తాలలోకి తీసుకోకపోవడం గమనార్హం. దీంతో తెలంగాణలో క్రితం రోజు ఉదయం నమోదైన మొత్తం 644 కరోనా పాజిటివ్ కేసుల సంఖ్య మరో ఆరుతో కలిపి క్రితం రోజు రాత్రి 650కి చేరింది.

కాగా, 650 మందిలో ఇప్పటి వరకు 110 మంది కరోనా మహమ్మారి బారిన పడి చికిత్స పోందుతున్న వారి సంఖ్య ప్రస్తుతం 471గా వుంది. ఇప్పటి వరకు నమోదైన కరోనా పాజిటివ్ కేసుల్లో 18 మంది మహమ్మారి బారిన పడి అసువులు బాయగా, చికిత్స పొంది నయమైనవారి సంఖ్య కూడా తెలంగాణలో అధికంగానే వుంది. మొత్తంగా 110 మంది కరోనా నుంచి కోలుకొని డిశ్చార్జ్‌ అయ్యారు. రాషట్రంలో నమోదైన మొత్తం 650 కరోనా కేసులలో అధికంగా తెలంగాణ రాజధాని నగరం హైదరాబాదులోనే నమోదు కావడం గమనార్హం. నగరంలో ఏకంగా 213 కరోనా కేసులు నమోదయ్యాయి.

ఇక జిల్లాల వారిగీ చూస్తే హైదరాబాద్ తరువాత నిజామాబాద్ లో 45 కేసులు, వరంగల్ లో 24 కేసులు, రంగారెడ్డిలో 23 కేసులు, గద్వాల్ లో 22 కేసులు, మేడ్చల్లో 18 కేసులు, కరీంనగర్ లో 18 కేసులు, నిర్మల్ లో 15 కేసులు, నల్గోండలో 14 కేసులు, అదిలాబాద్ లో 11 కేసులు, మహబూబ్ నగర్ లో 11 కేసులు, సూర్యపేటలో 10 కేసులు, కామారె్డిలో 10 కేసులు, సంగారెడ్డిలో 8 కేసులు, వికారాబాద్ లో ఐదు కేసులు, మెదక్ లో ఐదు కేసులు, భధ్రాద్రిలో 4 కేసులు, నగర్ కర్నూల్ లో 2, జనగాంలో 2, ఖమ్మంలో 2, పెద్దపల్లిలో 2, భూపాలపల్లిలో 2, సిద్దిపేటలో, మహబూబాద్ లలో ఒక్కో కేసు చొప్పున నమోదయ్యాయి.