కరోనా అలర్ట్: తెలంగాణలో మరో మూడు పాజిటివ్ కేసులు..

Posted: 03/24/2020 04:37 PM IST

ప్రపంచ దేశాలను వణికిస్తోన్న కరోనా భారత్‌లోనూ డేంజర్ బెల్స్ మోగిస్తోంది. క్రితం రోజున 419 పాజిటివ్‌ కేసులు నమోదుకాగా, ఇవాళ ఆ సంఖ్య ఏకంగా 500లకు చేరింది. ఇక దేశంలో కరోనా మృతుల సంఖ్య పదికి చేరింది. ఈ నేపథ్యంలో అటు కేంద్రం, ఇటు రాష్ట్ర ప్రభుత్వాలు లాక్ డౌన్ ను అమలు చేస్తున్నాయి. ఇటు తెలుగు రాష్ట్రాలలోనూ కరోనా కేసులు సంఖ్య అంతకంతకూ పెరుగుతొంది. ఏపీని పక్కన బెడితే తెలంగాణలో ఈ సంఖ్య మరీ అందోళనను కలిగిస్తోంది.

ఇవాళ కొత్తగా మరో మూడు కరోనా పాజిటివ్‌ కేసులు నమోదయ్యాయి. దీంతో తెలంగాణ వ్యాప్తంగా కరోనా పాజిటివ్‌ కేసుల సంఖ్య 36కు చేరింది.లండన్‌ నుంచి కూకట్‌పల్లి వచ్చిన 49ఏళ్ల వ్యక్తికి, జర్మనీ నుంచి చందానగర్‌ వచ్చిన మహిళ(39)కు, బేగంపేటకు చెందిన గృహిణి(61)కి పాజిటివ్‌గా నిర్థారణ అయిందని వైద్య ఆరోగ్యశాఖ అధికారులు వెల్లడించారు. బేగంపేటకు చెందిన మహిళ ఇటీవల సౌదీ అరేబియా వెళ్లివచ్చినట్టు అధికారులు గుర్తించారు.