మళ్లీ తీపి కబురు అందించిన ఆర్బీఐ.. రుణాలపై వడ్డీ తగ్గింపు

Posted: 10/04/2019 05:14 PM IST

భారతీయ రిజర్వ్ బ్యాంక్ (ఆర్బీఐ) మరోమారు దేశ ప్రజలకు శుభవార్తను అందించింది. పండగ వేళ భేటి అయిన అర్బిఐ కమిటీ కుల నుంచి రుణాలను పోందిన వారితో పాటు రుణాలు తీసుకోవాలని భావిస్తున్న వారికి రిజర్వు బ్యాంకు తీపి కబురు అందించింది. ఇవాళ సమావేశమైన అర్బీఐ ద్రవ్య పరపతి సమీక్ష కమిటీ మరోమారు కీలక వడ్డీరేట్లను తగ్గిస్తూ నిర్ణయం తీసుకుంది.  

ఇవాళ ప్రకటించిన పరపతి విధాన సమీక్షలో ఈ మేరకు కీలక నిర్ణయాలు వెల్లడించింది. అసలే ఆర్థిక మందగమనంతో ఆందోళన నెలకొన్న సమయంలో మరోసారి వడ్డీరేటు పావుశాతం తగ్గించింది ఆర్బీఐ.. దీంతో ప్రస్తుతం 5.40 శాతంగా ఉన్న రెపో రేటు.. 5.15 శాతానికి తగ్గించింది. రివర్స్ రెపో రేటు 4.90 శాతం, బ్యాంక్ రేట్‌ను 5.40 శాతంగా నిర్ణయించింది ఆర్బీఐ. ఇక, 2020-21 ఆర్థిక సంవత్సరానికి గాను జీడీపీని 6.9 శాతం నుంచి 6.1 శాతానికి... 2020-21 సంవత్సరానికి గాను జీడీపీ అంచనాను 7.2గా సవరించింది సెంట్రల్ బ్యాంక్.