ITEMVIDEOS: ముంబైలో కనిపించిన అరుదైన రెండు తలల సర్పరాజం

Posted: 09/25/2019 04:51 PM IST

మహారాష్ట్రలోని ఠానే జిల్లాలో అరుదైన సర్పరాజాన్ని గుర్తించడంతో దాన్ని భద్రంగా వన్యప్రాణి సంరక్షణ కేంద్రానికి తరలించారు. సాధారణంగా శరీరానికి రెండు వైపులా తలలున్న పాములు అప్పుడప్పుడు కనిపిస్తుంటాయి. కానీ ఒకే వైపున రెండు తలల పాములు అరుదుగా కనిపిస్తాయి. అటువంటి అరుదైన సర్పరాజాన్ని ఠానే జిల్లా కల్యాణ్‌నగర్‌ వాసులు గుర్తించారు. గ్రామస్థులు కొందరు నడిచి వెళ్తుండగా ఈ పాము వారి కంట పడింది.

దీంతో స్థానిక జంతుశాస్త్ర నిపుణుడు హరీష్‌జాదవ్‌, సందీప్‌ పండిట్‌లు ఈ పామును కాపాడి ‘వార్‌ రెస్క్యూ ఫౌండేషన్‌’ అనే వన్యప్రాణి సంరక్షణ కేంద్రానికి తరలించారు. జన్యులోపాల కారణంగా ఇలాంటివి పుడుతుంటాయని నిపుణులు చెబుతున్నారు. కాగా ఇలాంటి సర్పరాజమే ఒకటి గత ఏడాది సరిగ్గా ఇదే సెప్టెంబర్ మాసం 24వ తేదీన వర్జినియాలో ప్రత్యక్షమయ్యింది.

వర్జినియాలో లభించిన పామును అధ్యయనం చేసిన అక్కడి జంతుశాస్త్ర నిపుణులు ఈ పాము ఎడమ తల అధిక వృద్ది చెందిందని, ఈ పాముకు రెండు తలలు వున్నా ఒకే గుండె, ఒకే ఊపిరితిత్తులు వున్నాయని తెలిపారు. దీంతో ఈ నెలకు ఇలాంటి పాములకు ఏమైనా సంబంధం వుండి వుంటుందా.? అన్న కోణంలోనూ పలువురు ధార్మిక పెద్దలు అన్వేషణ సాగిస్తున్నారు.