మోటార్ వాహనాల చట్టానికి సవరణలు చేసి కొత్త చట్టాన్ని అమల్లోకి తీసుకురావడం తద్వారా వాహనదారులపై భారీ జరిమానాలు విధిస్తున్నారు పోలీసులు. కాగా అమల్లోకి వచ్చిన ఈ చట్టాన్ని రాష్ట్రాల నిర్ణయాలకే వదిలేయడం కూడా వాహనదారులకు కాసింత ఊరటను కల్పించింది. అయితే అదును దొరికితే చాలు అడ్డంగా భాదేస్తాం అని చాటి చెప్పడంలో ముందుండే వారు కూడా ఈ చట్టాన్ని అసరాగా చేసుకుని అమాయక ప్రజలను లూటీ చేస్తున్నారు. ఇంతకీ వారెవరు అంటారా..? అటోవాలాలు.
అదెలా అంటే.. తాజాగా మహారాష్ట్రలోని ఐటీ నగరమైన ఫూణెలో దిమ్మ తిరిగే ఉదంతం ఒకటి చోటు చేసుకుంది. ఒక టెకీకి ఆటో డ్రైవర్ రూ.4300 ఛార్జ్ వేసి భారీ షాకిచ్చాడు. ఇదెలా జరిగిందన్న విషయంలోకి వెళితే.. బెంగళూరుకు చెందిన సాఫ్ట్ వేర్ ఇంజనీర్ తొలిసారి ఫూణె వచ్చాడు. కత్రజ్ ఏరియాలో దిగిన అతగాడు క్యాబ్ బుక్ చేసుకోవటానికి ట్రై చేసి.. తప్పని పరిస్థితుల్లో ఆటోలో వెళ్లాలని డిసైడ్ అయ్యాడు. రోడ్డు మీద వెళుతున్న ఆటోని ఆపాడు. ఎరవాడ వెళ్లాలని అడిగితే ఓకే చెప్పాడు.
ఆటోలో తాను కాకుండా వేరే వారు ఉండటంతో.. ఎవరని అడిగితే.. ఆటో డ్రైవర్ తాగి ఉన్నాడని.. కొత్త రూల్ నేపథ్యంలో అతన్ని వెనుక ఉంచి తాను ఆటో నడుపుతున్నట్లు చెప్పాడు. సర్లే అని సదరు టెకీ సర్దుకొని ఆటో ఎక్కాడు. అటోలో ఏకంగా 18 కి.మీ. ప్రయాణం తర్వాత తన గమ్యాస్థానానికి చేరుకున్నాడు సదరు టెకీ. ఎంతంటే.. రూ.4300 అని ఆటోవాలా చెప్పటంతో.. తాను తప్పుగా విన్నాననుకొని మళ్లీ అడగటం.. మీరు విన్నది కరెక్టే రూ.4300 అంటూ దురుసుగా బదులివ్వటంతో అవాక్కు అయ్యాడు.
అంత మొత్తం ఎందుకవుతుందంటే.. సిటీలో పోలీసులు ట్రాఫిక్ రూల్స్ మార్చేశారని.. సిటీలోకి ఆటో రావాలంటేనే రూ.600 అవుతుందని.. తాము చెప్పినంత ఇవ్వాలంటూ దబాయింపుతో పాటు.. బెదిరింపులకు దిగారు. దీంతో.. వారు అడిగినంత ఇచ్చేసి బతుకుజీవుడా అంటూ బయటపడ్డారు. చివరకు పోలీస్ స్టేషన్ లో కంప్లైంట్ ఇచ్చాడు. సదరు ఆటోవాలాను తాము తప్పక పట్టుకుంటామని ఫూణె పోలీసులు భరోసా ఇచ్చారు. మరేమవుతుందో చూడాలి.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more