చింతమనేని అరెస్టు.. దుగ్గిరాలలో టెన్షన్ టెన్షన్..

Posted: 09/11/2019 01:19 PM IST

Denduluru ex mla chintamaneni prabhakar arrest over atrocity act

టీడీపీ మాజీ ఎమ్మెల్యే చింతమనేని ప్రభాకర్ ను పోలీసులు అరెస్ట్ చేశారు. ఆయనపై ఇటీవల నమోదైన ఎస్సీ, ఎస్టీ కేసు సహా గతంలో నమోదైన 52 కేసుల నేపథ్యంలో ఆయనను పోలీసులు అరెస్టు చేశారు. ఆయనపై కేసు నమోదైన తరువాత అరెస్టు చేస్తారన్న వార్తవచ్చిన తరుణంలో గత 12 రోజులుగా అజ్ఞాతంలోకి వెళ్లిన ఆయన.. తన భార్య అనారోగ్యానికి గురై అపస్మారక స్థితిలోకి జారుకున్న నేపథ్యంలో ఆమెను పరామర్శించేందుకు దుగ్గిరాలలోని తన నివాసం వద్దకు వచ్చారు.

దుగ్గిరాలలోని తన నివాసానికి చింతమనేని వస్తున్నారన్న విషయం తెలుసుకున్న పోలీసులు.. ఇవాళ ఉదయం నుంచే అక్కడ మకాం వేసి.. అక్కడకు చేరుకున్న చింతమనేనిని అరెస్ట్ చేశారు. ఎలాంటి ఉద్రిక్త పరిస్థితులూ తలెత్తకుండా పోలీసులు చింతమనేని ఇంటి వద్ద భారీ స్థాయిలో మోహరించారు. అయినప్పటికీ అక్కడికి పెద్ద సంఖ్యలో చేరకున్న అభిమానులు అనుచరులు చేరుకున్నారు. ఈ నేపథ్యంలో చింతమనేని అరెస్ట్ ను అడ్డుకునేందుకు టీడీపీ కార్యకర్తలు యత్నించారు.

దీంతో, పోలీసులకు-చింతమనేని అనుచరులకు మధ్య తీవ్ర వాగ్వాదం జరిగింది. ఈ నేపథ్యంలో, చింతమనేనిని పోలీసులు బలవంతంగా ఎత్తుకెళ్లారు. వడంతో దుగ్గిరాలలో టెన్షన్ వాతావరణం అలుముకుందిఅయితే చింతమనేనికి ఎక్కడి తరలించారన్న విషయంలో కూడా ఆయన అనుచరులకు సరైన సమాచారం అందలేదు. దీంతో ఆయను రహస్య ప్రాంతానికి తరలించారన్న వార్తలు కూడా వచ్చాయి. కాగా ఆయను ఏలూరు త్రిటౌన్ పోలిస్ స్టేషన్ కు తరలించారు పోలీసులు.