chidambaram sent to 4 days cbi custody నాలుగు రోజుల సీబిఐ కస్టడీకి చిదంబరం

Inx media scam chidambaram sent to cbi custody till august 26

Chidambaram, p chidambaram, chidambaram sent to cbi custody, lookout notice, karti chidambaram, cbi court dismisses chidambaram petition, chidambaram sbi custody, p chidambaram inx media case, chidambaram inx media case, Supreme Court, INX Media Scam, kapil sibal, abhishek manu singvi, salman kurshid, politics

INX Media case: P Chidambaram was sent to four days cbi custody till august 26, who had been arrested yesterday night. Former Union Minister is accused of facilitating foreign investment in a media company as Finance Minister.

నాలుగు రోజుల సీబిఐ కస్టడీకి మాజీ కేంద్రమంత్రి చిదంబరం

Posted: 08/22/2019 06:51 PM IST
Inx media scam chidambaram sent to cbi custody till august 26

ఐఎన్ఎక్స్ మీడియా కేసులో మాజీ మంత్రి చిదంబరానికి సీబీఐ న్యాయస్థానం ఐదు రోజుల కస్టడీని విధించింది. బుధవారం రాత్రి హై డ్రామా నడుమ చిదంబరాన్ని అరెస్ట్ చేసిన సీబీఐ గురువారం ఆయన్ను సీబీఐ కోర్టు ముందు హాజరుపర్చింది. విచారణలో భాగంగా తాము అడుగుతున్న ప్రశ్నలకు చిదంబరం సమాధానాలు ఇవ్వడం లేదని, ఆయన తమకు సహకరించడం లేదని కోర్టుకు సీబీఐ తెలిపింది. ఆయన్ను ఐదు రోజుల కస్టడీకి అప్పగించాలని సీబీఐ చేసుకున్న అభ్యర్థన పట్ల స్పెషల్ జడ్జి అజయ్ కుమార్ కుహార్‌ సానుకూలంగా స్పందించారు.

ఆగష్టు 26 వరకు చిదంబరానికి సీబీఐ కస్టడీని విధించిన న్యాయస్థానం.. రోజుకు అర గంట సేపు కుటుంబ సభ్యులను లేదా తన లాయర్లను కలుసుకునే అవకాశాన్ని చిదంబరానికి కల్పించింది. ప్రతిరోజు ఉదయం 10 నుంచి సాయంత్రం 6 గంటల వరకు చిదంబరం ను సీబీఐ అధికారులు ప్రశ్నిస్తారు. విచారణ కారణంగా చిదంబరం ప్రతిష్ట దెబ్బతినకుండా చూసుకోవాలని కోర్టు సీబీఐని ఆదేశించింది. ఈ కేసులో సీబీఐ తరఫున సొలిసిటర్ జనరల్ తుషార్ మెహతా వాదనలు వినిపించగా.. చిదంబరం తరఫున కాంగ్రెస్ సీనియర్ నేత కపిల్ సిబల్, అభిషేక్ సింఘ్వీ, వివేక్ టంఖా వాదనలు వినిపించారు.

ఐఎన్ఎక్స్ మీడియా స్కామ్‌ను పూర్తి స్థాయిలో బయటపెట్టడానికి చిదంబరాన్ని కస్టడీలోకి తీసుకొని విచారించడం తప్పనిసరి అని తుషార్ మెహతా వాదించారు. ఈ కేసులో క్విడ్ ప్రొ క్రోను వెలికి తీయడానికి ఐదురోజులపాటు చిదంబరాన్ని కస్టడీలోకి తీసుకోవడానికి సీబీఐకి అనుమతి ఇవ్వాలని కోరారు. కాగా న్యాయస్థానం అనుమతితో చిదంబరం మాట్లాడారు. గత 24 గంటలుగా తాను నిద్రపోలేదన్న ఆయన.. తనకు విదేశాల్లో బ్యాంక్ అకౌంట్ లేదన్నారు. ఆర్‌బీఐ అనుమతితో తన కుమారుడు కార్తీ విదేశాల్లో బ్యాంక్ ఖాతా తెరిచాడన్నారు.

కాగా, చిదంబరాన్ని సీబీఐ 12 ప్రశ్నలు అడిగిందని, వాటిలో ఆరింటికి ఆయన గతంలోనే సమాధానం ఇచ్చారని కపిల్ సిబల్ తెలిపారు. సీబీఐ కేసు మొత్తం ఇంద్రాణి ముఖర్జియా వాంగ్మూలం ఆధారంగానే ముందుకెళ్తోందని అభిషేక్ సింఘ్వీ విమర్శించారు. అమె కేసులో నిందితురాలని, అమె అప్రూవర్ గా మారిందని చెప్పారు. అమె వాంగ్మూలాన్ని అప్రూవర్ గా పరిగణలోకి తీసుకోవాలే తప్ప.. సాక్షిగా కాదని, అయినా అదే జరుగుతుందని సింఘ్వీ అన్నారు.

If you enjoyed this Post, Sign up for Newsletter

(And get your daily news straight to your inbox)

Rate This Article
(0 votes)
Tags : P Chidambaram  special CBI Court  INX Media Scam  cbi custody  kapil sibal  politics  

Other Articles

Today on Telugu Wishesh