17 మంది అమాయకులను బలితీసుకున్న కారు బాంబు

Posted: 06/03/2019 02:03 PM IST

రంజాన్ పర్వదినం నేపథ్యంలో ముస్లిం సోదరులు భక్తి ప్రవత్తులతో మసీదుకు వెళ్లి వస్తున్న క్రమంలో వారిని కారు బాంబు పేలుడు కబళించింది. ఈ ఘటనలో ఏకంగా 17 మంది ప్రాణాలను కోల్పోయారు. 30 సంఖ్యలో క్షతగాత్రులయ్యారు. గాయపడిన వారిలో పలువురి పరిస్థితి విషమంగా వుంది. ఈ ఘటన సిరియాలోని వాయువ్య ప్రాంతంలో అజాజ్ నగరంలో జరిగింది. నగరంలోని సెంట్రల్ సిటీ ప్రాంతంలో జనాలు ఎక్కువగా తిరిగే ప్రాంతంలో కారుబాంబును అమర్చిన ఉగ్రవాదులు సరిగ్గా నమాజ్ పూర్తిన తరువాత దానిని పేల్చివేశారు.

ఈ పేలుడులో మృతుల సంఖ్య పెరిగే అవకాశం ఉందని అక్కడి అధికారులు చెబుతున్నారు. మసీదు వద్ద నమాజ్ పూర్తైన తరువాత రోజాను వదిలేందుకు వీలుగా అక్కడే బోజనాలను ఏర్పాటు చేశారు. బోజనాల సందడిలో భక్తులు అక్కడకు చేరుకున్న సమయంలోనే ఈ దాడులు జరిగినట్లు పోలీసులు తెలిపారు. రఖ్కా నగరంలోని కమాండ్ సెంటర్ దగ్గర కుర్ధిష్ నేతృత్వంలోని సిరియన్ డెమోక్రటిక్ ఫోర్స్ కారు బాంబు పేల్చివేసిన ఘటనలో 10మంది చనిపోగా.. ఈ ఘటన జరిగిన మరుసటి రోజే అజాజ్ నగరంలో కారుబాంబు పేలుడు ఘటన జరిగింది. అయితే ఈ ఘటనకు తామే బాధ్యులం అని ఇప్పటివరకు ఏ సంస్థ కూడా ప్రకటించుకోలేదు.

At least 14 people were killed and 28 others sustained injuries after an explosive-laden car detonated in Syria's northwestern city of Azaz

Read @ANI Story | https://t.co/IHOG1rjfME pic.twitter.com/R7whCFO67k

— ANI Digital (@ani_digital) June 2, 2019