ITEMVIDEOS: ఎన్నికల సిత్రం: నోరు జారిన నవ్వులు పూయించిన గౌరు చరితారెడ్డి

Posted: 04/09/2019 03:37 PM IST

ఆంధ్రప్రదేశ్ అసెంబ్లీ ఎన్నికల వేళ చిత్రవిచిత్రాలు చోటుచేసుకుంటున్నాయి. ఇటీవల వైసీపీని వీడి టీడీపీలో చేరిన కర్నూలు నేత గౌరు చరితా రెడ్డి ప్రచారం సందర్భంగా నోరు జారారు. పాణ్యంలో ఎన్నికల ప్రచారం సందర్భంగా ఎమ్మెల్యేగా తనను, లోక్ సభ సభ్యుడిగా కోట్ల సూర్యప్రకాశ్ రెడ్డిని గెలిపించాలని కోరారు. ఈ ఎన్నికల్లో టీడీపీకే ఓటువేయాలని విజ్ఞప్తి చేశారు. చివరగా జై జగన్ అని గట్టిగా నినాదం ఇవ్వడంతో టీడీపీ నేతలు, కార్యకర్తలు షాక్ కు గురయ్యారు. నిన్న రాత్రి జరిగిన ఈ ఘటన ఆలస్యంగా వెలుగులోకి వచ్చింది.

తనకు ఇచ్చిన ఘనస్వాగతానికి చరితారెడ్డి ఈ సందర్భంగా ధన్యవాదాలు తెలిపారు. అనంతరం ఒక్కసారిగా ‘జై జగన్’ అని అని నినాదం ఇచ్చారు. దీంతో ఒక్కసారిగా ఆ ప్రాంతం ఈలలతో మార్మోగింది. వెంటనే తేరుకున్న చరితారెడ్డి నవ్వుతూ.. ‘జై చంద్రబాబు, జై తెలుగుదేశం’ అని నినాదాలు ఇచ్చి ముందుకు కదిలారు. ఈ ఘటనకు సంబంధించిన వీడియోను వైసీపీ శ్రేణులు

టిడిపి అభ్యర్థి గౌరు చరితా రెడ్డి మనసులో మాట "జై జగన్" #YSRCPWinningAP #VoteForFan pic.twitter.com/5NO6HunWWR

— ప్రత్యేకహోదా కోసం-మీ జగన్ అన్న (@Vote_For_Fan) April 9, 2019

సోషల్ మీడియాలో విపరీతంగా షేర్ చేస్తున్నాయి.