లిప్ట్ ఇస్తామని.. సహుద్యోగినిపై పైశాచిక మృగాల దాడి..

Posted: 02/19/2019 03:43 PM IST

తమతో పాటే పనిచేస్తున్న ఓ సహుద్యోగినిపై కన్నేసిన ఇద్దరు మల్టీనేషనల్ కంపెనీ ఉద్యోగులు అమెకు కారులో లిప్టు ఇస్తామని నమ్మించి.. కారెక్కించుకున్న తరువాత మత్తుమందు కలిపిన పానీయాలిచ్చి, సృహకోల్పోయిన అమెను ఓ ప్లాటుకు తీసుకెళ్లి అక్కడి ఆమెపై వంతుల వారీగా పలుమార్లు అత్యాచారం చేశారు. ఈ ఘటన న్యూఢిల్లీలో జరిగింది. ఈ విషయాన్ని బయటకు చెబితే తీవ్ర పరిణామాలు వుంటాయని కూడా హెచ్చరించిన పైశాచిక మృగాలు అమెను మత్తులోనే వుండగానే ఢిల్లీలోని వసంత్ కుంజ్ ప్రాంతంలో వదిలేసి వెళ్లిపోయారు.

సహుద్యోగుల పైశాచిక దాడిపై తీవ్ర దిగ్ర్బాంతికి గురైన బాధితురాలు అక్కిడి నుంచి ద్వారకలోని తన నివాసానికి చేరుకుంది. తన తల్లిదండ్రుల సాయంతో అమె పోలీసులను ఆశ్రయించి తనకు జరిగిన పరాభవంపై ఫిర్యాదు చేసింది. బాధితురాలి పిర్యాదు మేరకు, రంగంలోకి దిగిన పోలీసులు లైంగిక దాడికి పాల్పడిన ఇద్దరు ఎంఎన్సీ ఉద్యోగులను అదుపులోకి తీసుకుని న్యాయస్థానంలో ప్రవేశపెట్టారు. కాగా న్యాయస్థానం వారికి జ్యూడీషియల్ రిమాండ్ విధించింది.

పోలీసులు తెలిపిన వివరాల మేరకు.. ఆఫీసు ముగిసిన తరువాత, ఇంటికి వెళ్లేటప్పుడు, సహోద్యోగులు ఇద్దరు కారులో తారసపడి లిఫ్ట్ ఇస్తామని చెప్పారు. వారితో కలిసి కారులో ప్రయాణిస్తుండగా, కూల్ డ్రింక్ ను ఇచ్చారు. దాన్ని తీసుకున్న తరువాత ఆమె స్పృహ కోల్పోయింది. ఆపై వారిద్దరూ వంతులేసుకుని తనపై అత్యాచారం చేశారని, ఆఖరికి వసంత్ కుంజ్ ప్రాంతంలో తనను వదిలేసి వెళ్లిపోయారని ఆరోపించింది. ఆపై తాను ద్వారక ప్రాంతంలోని ఇంటికి చేరుకుని, పోలీస్ కంట్రోల్ రూమ్ కు సమాచారం ఇచ్చింది.