శబరిమల దేవాలయం మూసివేత.. సంప్రోక్షణ తరువాతే..

Posted: 01/02/2019 10:51 AM IST

పవిత్ర పుణ్యక్షేత్రమైన శబరిమల అయప్పస్వామి దేవాలంయంలోకి నిషిద్ద వయస్సు గల మహిళలు వెళ్లడంపై కేరళ వ్యాప్తంగా జనాగ్రహం పెల్లుబిక్కుతుంది. దేశ సర్వోన్నత న్యాయస్థానం సుప్రీంకోర్టు గతంలో ఇచ్చిన అదేశాల మేరకు తాము వ్యవహరించామని అటు కేరళ సర్కార్ చెబుతున్న క్రమంలో ఆలయ ఆచారాలకు విరుద్దంగా మహిళలను పోలీసులు ఎలా తీసుకెళ్తారంటూ భక్తులు అందోళన వ్యక్తం చేస్తున్నారు. ఈ నేపథ్యంలో శబరిమల దేవాలయాన్ని ఆలయ ఆచార్యులు తాత్కాలికంగా మూసివేశారు.

అయ్యప్ప స్వామి దర్శనానికి వచ్చిన ఇద్దరు నిషిద్ద వయస్సుగల మహిళా భక్తులను పోలీసుల రక్షణలో దేవాలయంలోకి తీసుకెళ్లి అయ్యప్ప స్వామి దర్శనం చేయించడంతో ఆలయం మైలపడిందని భక్తులతో పాటు ట్రావెన్ కోర్ ఆలయ బోర్డు కూడా భావించింది. ఈ క్రమంలో తాత్కాలికంగా ఆలయాన్ని మూసివేసిన బోర్డు.. స్వామివారి పునర్ధర్శనం సంప్రోక్షణ కార్యక్రమాలు నిర్వహించిన తరువాతేనని స్పష్టం చేసింది. మండల పూజలు ముగిసి, మకరవిళక్కు పూజల కోసం స్వామి ఆలయాన్ని తెరచిన వేళ, మకర జ్యోతి దర్శనం వరకు దేవాలయం తెరచివున్న నేపథ్యంలో ఆలయ చరిత్రలో తొలిసారిగా దేవాలయాన్ని మరోమారు మూసివేసి సంప్రోక్షణ కార్యక్రమాలు నిర్వహించనున్నారు.

ఇవాళ వేకువజామున సుమారు మూడున్నర గంటలకు బింధు, కనకదుర్గ అనే ఇద్దరు మహిళా భక్తులు అయప్ప స్వామిని దర్శించుకున్న విషయం తెలిసిందే. సుమారుగా పక్షం రోజుల పాటు ఆలయం తెరచివున్న క్రమంలో ఇవాళ ఉదయం తెరుచుకున్న దేవాలయం తలుపులు తెరుచుకున్నాయి. ఈ క్రమంలో దేవాలయంలో భక్తుల రద్దీ తక్కువగా వుంది. దీనిని అసరాగా చేసుకున్న మహిళా భక్తులు దేవాలయంలోకి చేరుకుని స్వామివారిని దర్శించుకన్నారు. వీరికి పోలీసులు భారీ భద్రత నడుమ తీసుకెళ్లి.. అడ్డుకున్న భక్తులను బలవంతంగా చెదరగోట్టారు.