కదులుతున్న రైలులో మహిళపై అత్యాచారం

Posted: 08/08/2018 05:02 PM IST

Woman raped in moving train in madhya pradesh

మధ్యప్రదేశ్ లో మరో పేద మహిళపై దారుణం జరిగింది. కదులుతున్న రైల్లో ప్రయాణిస్తున్న 30 ఏళ్ల మహిళపై ఓ యువకుడు అత్యాచారం చేశాడు. మధ్యప్రదేశ్ లోని జబల్ పూర్ ఈ నెల 6వ తేది రాత్రి ఈ దారుణ ఘటన చోటుచేసుకోగా. ఇవాళ నిందితుడ్ని పట్టుకుని అరెస్టు చేసి.. న్యాయస్థానంలో హాజరుపర్చారు. గత ఏడాది నవంబర్ 26న అమర్ కంఠర్ ఎక్స్ ప్రెస్ రైలులో చోటుచేసుకున్న ఘటనను ఇంకా రైలులో ప్రయాణించే ఒంటిరి మహిళలు మర్చిపోకముందే ఇదే తరహాలో మరో ఘటన చోటుచేసుకోవడం కలకలం రేపుతోంది.

పోలీసులు తెలిపిన వివరాల ప్రకారం జబల్ పూర్ ‌లోని మదన్‌ మహల్‌ రైల్వే స్టేషన్ లో మంగళవారం రాత్రి బాధితురాలు తన గమ్యస్థానానికి చేరుకునేందుకు వింధ్యాచల్‌ ఎక్స్ ప్రెస్‌ రైలు ఎక్కింది. సదరు మహిళ పాత దుస్తులు, పీలికలు ఎరుకుని వాటిని విక్రయించి జీవనం సాగిస్తుంది. కాగా రైలు ఎక్కిన కాసేపటికే అలసిపోయిన ఆమె నిద్రలోకి జారుకుంది. ఆ సమయంలో ఆ కంపార్టుమెంటులో ఎవరు లేకపోవడాన్ని అదునుగా చేసుకున్న నిందితుడు అమెపై అఘాయిత్యానికి పాల్పడ్డాడు. నిందితుడు అంతకంటే ముందు స్టేషన్ లోనే దిగాల్సి ఉండగా.. దురాలోచనతో అనువైన సమయం కోసం వేచిచూసి కిరాతకానికి ఒడిగట్టినట్లు పోలీసులు తెలిపారు.

టాయిలెట్ కు సమీపంలో ఉన్న ఓ బెర్తుపై నిద్రిస్తున్న మహిళను అత్యాచారం చేస్తుండగా గుర్తించిన జీఆర్‌పీ జవాన్.. వెంటనే అతడి బారి నుంచి ఆమెను రక్షించాడు. అనంతరం ఆమెను రైల్వే పోలీసులకు అప్పగించాడు. అతణ్ని అదుపులోకి తీసుకున్న పోలీసులు బాధితురాలి ఫిర్యాదు మేరకు కేసు నమోదు చేసి విచారణ చేపట్టారు. నిందితుడిని ఉమేశ్‌ వాల్మీకి (26)గా గుర్తించారు. నర్సింగ్ పూర్లో గోటేగావ్ మున్సిపాలిటీ శాఖలో అతడు కూలీగా పని చేస్తున్నాడని పోలీసులు చెప్పారు. అక్కడ నుంచి రైలు అయిదారు కిలోమీటర్ల దూరం ప్రయాణించగానే ఒంటరిగా నిద్రిస్తున్న మహిళపై ఉమేశ్ అఘాయిత్యానికి పాల్పడ్డట్టు చెప్పారు.