దొంగనోట్లు ముద్రించిన నటి వెనుక స్వామీజీ..!

Posted: 07/06/2018 11:09 AM IST

Godsman biju behind actress surya sasikumar in printing fake notes

కేరళలో నకిలీ నోట్లతో పట్టుబడిన ప్రముఖ టీవీ అర్టిస్టు సూర్యా శశికుమార్.. వెనుక తనకు తానుగా దైవాంశసంభూతుడిగా పరిచయం చేసుకున్న ఓ స్వామీజీ హస్తం కూడా వున్నట్లు తెలుస్తుంది. మలయాళ చిత్రసీమ రంగంలోని పలువురు సినీ, రాజకీయ ప్రముఖులతో పరిచయాలు ఉన్న స్యూర శశికుమార్ ను ఆయన టార్గెట్ గా చేసుకుని ఆమెకు అధిక లాభాలు ఆశచూపి గుట్టుగా వుండేందుకు అమె ఇంట్లోనే పైపోర్షన్ లో ఈ వ్యాపారాన్ని సాగించాడని సమాచారం. పోలీసులు దర్యాప్తులో అనేక కొత్త విషయాలు వెలుగులోకి వచ్చినట్లు తెలుస్తుంది.

నకిలీ కరెన్సీ నోట్ల కేసులో సూర్య శశికుమార్ సహా అమె తల్లి, సోదరిని అదుపులోకి తీసుకున్న పోలీసులు కేసు దర్యాప్తులో భాగంగా వారిని వేర్వేరుగా విచారిస్తున్న క్రమంలో ఈ వివరాలు బయటపడ్డాయి. స్వయం ప్రకటిత దైవాంశసంభూతుడిగా పరిచయం చేసుకున్న బీజూ అనే ఓ దొంగ స్వామీజీ .. సూర్య శశికుమార్ కు మలయాళ చిత్రరంగంతో పాటు పలు వ్యాపార వేత్తలతో పరిచయాలు వున్నాయని గ్రహించి అమెతో నకిలీ కరెన్సీ నోట్ల వ్యాపారానికి తెరతీయించాడని విచారణలో సూర్యశశికుమార్ తెలిపారు. ఆమెకు ముఠాతో సంబంధాలు ఏర్పాటు చేయించింది కూడా బీజునేని పోలీసులు తేల్చారు.

ఒక్క కేరళకే ఆమె దొంగ నోట్లు పరిమితం కాలేదని, తమిళనాడులోనూ వాటిని చలామణిలోకి తేవడానికి ఏజంట్లతో ఒప్పందం కుదుర్చుకుందని విచారణలో గుర్తించిన పోలీసులు, తమ దర్యాఫ్తును పక్క రాష్ట్రానికి విస్తరించాలని నిర్ణయించారు. కాగా, కొద్ది రోజుల క్రితం రూ. 2.50 లక్షల నకిలీ కరెన్సీతో తమకు పట్టుబడిన ముగ్గురు వ్యక్తులను విచారించిన పోలీసులు ఆపై సూర్యా శశికుమార్ ఇంట్లో తనిఖీ చేయగా, రూ. 57 లక్షల విలువైన నకిలీ నోట్లు లభ్యమైన సంగతి తెలిసిందే. ఈ ఘటన మాలీవుడ్ వర్గాల్లో కలకలం రేపగా, ప్రస్తుతం ఆమెతో పాటు ఆమె తల్లి రమాదేవి, సోదరి శృతిలను పోలీసులు విచారిస్తున్నారు.