భారత అర్థిక వ్యవస్థను గాడిలో పెట్టేందుకు తన శాయశక్తులా కృషి చేసిన భారతీయ రిజర్వు బ్యాంకు మాజీ గవర్నర్ రఘురాం రాజన్ చేతికి కీలక పగ్గాలు అందబోతున్నాయన్న వార్త దేశవ్యాప్తంగా సంచలనం కాగా, ఇదే విషయమై రాజన్ స్పందిస్తూ తాను ఎలాంటి కీలక బాధ్యతలను చేపట్టబోయేది లేదని కరాఖండిగా చెప్పేశారు. తాను కీలక పగ్గాల కోసం దరఖాస్తు కూడా చేయాలని భావించడం లేదని చెప్పారు. అంతేకాదు తనకు బోధనావృత్తిలోనే అత్యంత సంతృప్తి వుందని ఆయన చెప్పేశారు.
భారతీయ రిజర్వు బ్యాంకు గవర్నర్ గా పదవీ బాధ్యతలను చేపట్టి.. భారత అర్థిక వ్యవస్థను గాడిలో పెట్టిన రాజన్.. వచ్చే సంవత్సరం ఖాళీ అయ్యే బ్యాంక్ ఆఫ్ ఇంగ్లండ్ గవర్నర్ పదవిని చేపడతారని గత కొంత కాలంగా వార్తలు వస్తున్నాయి. అయితే ఈ వార్తలను ఆయన తోసిపుచ్చారు. తనకు బ్యాంకు అప్ ఇంగ్లాండ్ గవర్నర్ బాధ్యతలను చేపట్టాలన్న ఆలోచన లేదని స్పష్టం చేశారు. ఆ పదవి కోసం దరఖాస్తు చేయాలన్న ఉద్దేశం కూడా తనకు లేదని ఆయన స్పష్టం చేశారు. గతంలో కెనడా సెంట్రల్ బ్యాంక్ హెడ్ గా పనిచేసి, ఆపై బ్యాంక్ ఆఫ్ ఇంగ్లండ్ గవర్నర్ గా వచ్చిన మార్క్ కార్నే జూన్ 2019లో పదవీ విరమణ చేయనుండగా, ఆయన వారసుడిగా రాజన్ ఎంపికయ్యే అవకాశాలు ఉన్నాయని వార్తలు వచ్చిన సంగతి తెలిసిందే.
"ప్రస్తుతం షికాగో యూనివర్శిటీలో నేను మంచి ఉద్యోగం చేస్తున్నాను. నాకు బోధించడమంటేనే ఇష్టం. నేనేమీ నిష్ణాతుడినైన బ్యాంకర్ ను కాదు. ఇక్కడ నాకు ఆనందంగా ఉంది" అని యూఎస్ యూనివర్శిటీ ఆధ్వర్యంలో నడుస్తున్న బూత్ స్కూల్ ఆఫ్ బిజినెస్, లండన్ లో ఏర్పాటు చేసిన ఓ కార్యక్రమంలో పాల్గొన్న ఆయన వ్యాఖ్యానించారు. ఈ విషయంలో తాను చెప్పగలిగింది ఇంతేనని, తాను మరెక్కడా ఉద్యోగం కోసం దరఖాస్తు చేసే పరిస్థితి లేదని రఘురాం రాజన్ అన్నారు.
కాగా, బ్రిటన్ ఆర్థికమంత్రి ఫిలిప్ హమాండ్ ఇటీవల మాట్లాడుతూ, ఈ సంవత్సరమే కార్నే వారసుడి ఎంపిక ఉంటుందని, ఈ పోస్టుకు విదేశీయుల పేర్లను కూడా పరిశీలిస్తున్నామని వ్యాఖ్యానించిన తరువాత రఘురాం రాజన్ పేరు తెరపైకి వచ్చిన సంగతి తెలిసిందే. ఈ పోస్టుకు బ్యాంక్ ఆఫ్ ఇంటర్నెేషనల్ సెటిల్ మెంట్స్ జనరల్ మేనేజర్ అగస్టిన్ కార్స్ టెన్స్, లండన్ స్కూల్ ఆఫ్ ఎకనామిక్స్ హెడ్, బ్యాంక్ ఆఫ్ ఇంగ్లండ్ మాజీ డిప్యూటీ గవర్నర్ మినౌచ్ షఫీక్, స్టాండర్డ్ యూకే చైర్మన్ శృతీ వదేరా పేర్లు వినిపిస్తున్నాయి.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more