మద్యం మత్తులో టాప్ హీరోయిన్ పై హీరో దాడి..

Posted: 04/02/2018 12:04 PM IST

భోజ్ పురి చిత్రపరిశ్రమలో ఒక సంచలన విషయం అభిమానులను కలవరానికి గురిచేస్తుంది. సూపర్ స్టార్ పవన్ సింగ్ మద్యం మత్తులో తన సహనటిపై చేయి చేసుకోవడమే కాదు.. ఏకంగా అమెపై దాడికి కూడా పాల్పడ్డాడని వార్తలు వెలుగుచూడటంతో.. అసలేం జరిగిందన్న ఉత్కంఠకు అభిమానులు గురవుతున్నారు. బోజ్ పూరి చిత్రసీమలో టాప్ నటిగా తనకంటూ ప్రత్యేకతను చాటుకున్న నటి  అక్షరాసింగ్ ను హీరో పవన్ సింగ్ తోసి పడేశాడు. అమె తలను గోడకేసి మరీ బాదాడన్న వార్తలను ప్రముఖ జర్నలిస్ట్ శశికాంత్ సింగ్ తన ఫేస్‌బుక్ ఖాతాలో పోస్ట్ చేయడంతో అది కాస్తా సంచలనంగా మారింది.

కేంద్రపాలిత ప్రాంతమైన దాద్రానగర్‌ హావేలి రాజధాని సిల్వాసాలోని దామన్‌గంగా వ్యాలీ రిస్టార్‌లో గురువారం అర్ధరాత్రి 11.30 గంటలకు ఈ ఘటన జరిగిందని కూడా శశికాంత్ సింగ్ ఈ ఘటనకు సంబంధించిన వివరాలను తన ఫేస్ బుక్ అకౌంట్ ద్వారా ఫాలోవర్లతో పంచుకున్నారు. పూర్తిగా మద్యం మత్తులో ఉన్న పవన్ అక్షరపై చేయి కూడా చేసుకున్నాడని శశికాంత్ సింగ్ ఆరోపించారు. ఆమె జుట్టు పట్టుకుని గోడకేసి బాదాడని ఆరోపించారు. నటి చేతిపై గాయాలయ్యాయని తెలిపారు. అక్షరను అతడి బారి నుంచి రక్షించేందుకు ప్రయత్నించిన రిసార్ట్ సిబ్బందిపైనా పవన్ దాడి చేశాడని వివరించారు.
 
ఓ సినిమా చిత్రకరణ కోసం వీరిద్దరూ సిల్వస్సా వచ్చారు. పవన్ బాగా తాగి తన గది బయటకు వచ్చినప్పుడు అక్షర అతడిని ఆపే ప్రయత్నం చేయగా అతడు అసభ్యంగా ప్రవర్తించాడు. అమెపై అసభ్యపదజాలంతో విరుచుకుపడటంతో పాటు అమెపై ఏకంగా దాడికి పాల్పడ్డాడని శశికాంత్ సింగ్ పేర్కొన్నారు. పవన్ గతంలో అక్షరను కొన్ని సినిమాల్లోంచి తప్పించినట్టు కూడా ఆరోపణలున్నాయి. ఈ క్రమంలో చిత్ర షూటింగ్ అవ్వగానే సిల్వస్సా నుంచి అమె ముంబై చేరుకునేందుకు సిద్దమైనా ఆమెను విమానాశ్రయం వద్ద దిగబెట్టేందుకు నిర్మాణ సంస్థ ఏర్పాటు చేయకపోవడంతో.. అమె అక్కడే కాటేజీలో వుండిపోయింది. దీంతో ఈ ఘటన చోటుచేసుకుంది. కాగా, పవన్-అక్షరలు గతంలో డేటింగ్ చేసినట్టు కూడా వార్తలు హల్ చల్ చేశాయి.