ప్రముఖ హోటళ్లో పాడు పని.. విద్యార్థినులకు ఈజీ మని వల.. గుట్టురట్టు..

Posted: 03/28/2018 12:45 PM IST

Sex racket run by biz family busted in agra owner and son held

అది ప్రపంచంలోనే అత్యంత ప్రాధాన్యత వున్న పర్యాటక ప్రాంతం. నిత్యమూ వేలాది మంది పర్యాటకులు సందర్శించే ప్రాంతం. ఈ ప్రాంతంలో ప్రముఖ వ్యాపార సంస్థగా పేరొందిన యజమానులు ఈజీ మని కోసం ఓ చేసిన అత్యంత పాడుపని వెలుగులోకి వచ్చింది. ఇటు హోటల్ రంగంలో పాటు అటు రియల్ ఎస్టేట్ వ్యాపార రంగంలో కూడా తన ఉనికి చాటుకుంటున్న తపస్య.. అటు తమ అధీనంలోని ఓ భవనాన్ని బాలీవుడ్ షూటింగులకు, టీవీ సీరియల్ షూటింగ్ లకు కూడా అద్దెకిస్తూ బాగానే రాణిస్తున్నారు. అయినా డబ్బు మీద యావ సరిపోకపోవడంతో.. ఈజీగా డబ్బును సంపాదించుకునేందుకు చేయకూడని పనులు చేసి.. అడ్డంగా బుక్కయ్యారు.

స్థానికంగా బడా వ్యాపార వేత్తగా చెలామణి అవుతూనే వారు తమ పేరు మాటున చేయకూడని పని చేశారు. తమ అధీనంలో నడుస్తున్న హోటళ్లో గుట్టుగా వ్యభిచారం నిర్వహిస్తున్నారు. అగ్రాలోని పోలిస్ స్టేషన్ కు కూతవేటు దూరంలోని ప్రతీక్ష ఎన్ క్లేవ్ లోని తపస్యా హోటల్ లో గుట్టుగా వ్యభిచారం నిర్వహిస్తున్నారన్న పక్క సమాచారం అందడంతో అకస్మికంగా దాడి చేసిన పోలీసులకు విస్తుపోయే నిజాలు తెలిశాయి. కాగా, తమ వ్యాపారం నిరాటంకంగా నిర్వహించడానికి ఢిల్లీలోని ఓ ప్రముఖ విశ్వవిద్యాలయానికి చెందిన విద్యార్థినులను ఈజీ మని ప్రలోభానికి గురి చేశారని తెలిసింది.

ఆగ్రా ఏఎస్పీ రవీనా త్యాగి వెల్లడించిన వివరాల ప్రకారం, తమకు విశ్వసనీయ వర్గాల నుంచి అందిన సమాచారంతో తపస్య హోటల్ పై అకస్మిక దాడి చేయగా, ఇద్దరు వ్యభిచారిణులతో పాటు ముగ్గురు విటులను అదుపులోకి తీసుకున్నామన్నారు. హోటల్ యజమానురాలు ప్రియాంకా రావత్, అమె కుమారుడు సిద్ధార్థ రావత్ లను అదుపులోకి తీసుకున్నామని, అయితే అమె కూతురు శైలజా అలియాస్ శాజు రావత్ పరారీలో వున్నారని తెలిపారు. కాగా వ్యభిచారులను విచారించిన పోలీసులకు ఈ క్రమంలో మరిన్ని విస్మయం చెందే నిజాలు వెలుగులోకి వచ్చాయని అన్నారు.

వారానికి రూ. 20 వేలు నుంచి 25 వేల రూపాయల వరకు ఇస్తామని నమ్మబలికి.. తమ వద్దకు వచ్చే కస్టమర్లను వారు సంతోషపరిస్తే చాలునని, అయితే ఈ విషయాలు ఎప్పటికీ వెలుగులోకి రావని కూడా వారు విద్యార్థినులకు హామీ ఇచ్చి.. కాంట్రాక్టు ఒప్పందం చేసుకున్నారని తెలిసిందని రవీనా త్యాగి తెలిపారు. ప్రియాంక రావత్ భర్త చనిపోయిన తరువాత వ్యాపార బాధ్యతలను నిర్వహిస్తున్న ప్రియాంకా రావత్.. తన కొడుకు, కూతురి సాయంతో కలసి హోటళ్లో గుట్టుగా వ్యభిచారం నిర్వహించారని తెలిపారు. ఢిల్లీ నుంచి విద్యార్థినులను తీసుకువచ్చి.. వారితో వ్యభిచారం చేయిస్తుందని తెలిపారు. హోటల్ గదుల్లోని డస్క్ బిన్ల నుంచి కండోమ్ లు, రిసెప్షన్ డెస్క్ నుంచి కండోమ్ కార్టన్ లను స్వాధీనం చేసుకున్నామని, కేసు నమోదు చేసి దర్యాప్తు చేస్తున్నామని, వ్యభిచార గృహం నిర్వాహకులపై కఠిన చర్యలు తీసుకుంటామని రవీనా త్యాగి వెల్లడించారు.