ITEMVIDEOS: పంజాబ్ బటిండాలో ఘోర రోడ్డు ప్రమాదం..

Posted: 11/08/2017 06:51 PM IST

9 killed in bathinda as truck ploughs through crowd at accident site in smog

పంజాబ్ రాష్ట్రంలో ఘోర రోడ్డు ప్రమాదం జరిగింది. పంజాబ్ లోని భ‌టిండా జిల్లా బుచోమండి-రాంపుర ఫూల్ రోడ్డులో ఇవాళ తెల్లవారు జామున ఓ ప్రమాద ఘటన వద్ద నిల్చుని చూస్తున్న జనంలోకి ఓ లిక్విడ్ సిమెంట్ లారీ వేగంగా వచ్చి ఢీకొనింది. ఈ ప్రమాదంలో తొమ్మిది మంది విద్యార్థులు అక్కడిక్కడే మరణించారు. కాగా మరికొందరు తీవ్రంగా గాయపడటంతో క్షతగాత్రులను అస్పత్రులకు తరలించారు. అయితే ఈ ప్రమాధానికి కూడా కేవలం దట్టంగా అలుముకున్న పోగమంచే కారణమని భావిస్తున్నారు.

బుచోమండీ-రాంపూర్ పూలే రోడ్డు మార్గంలోని ఓ బ్రిడ్జిపై ఓ కారు సాంకేతిక కారణాల వల్ల నిలిచిపోయింది. దీంతో ఆ కారును గమనించని ఓ ప్రైవేటు బస్సు వెనక నుంచి వేగంగా వచ్చి ఢీకొనింది. దీంతో ప్రమాదం సంభవించింది. అయితే ఈ ప్రమాదంలో కొందరు ప్రయాణికులు గాయపడ్డారు. కారు-బస్సు డ్రైవర్ల మధ్య వాదన నడుస్తున్న క్రమంలో అదే రోడ్డుపై వస్తున్న లిక్విడ్ సిమెంట్ ట్యాంకర్ లారీ వేగంగా దూసుకువచ్చి.. ప్రమాదం వద్ద నిల్చున్న జనంపై నుంచి వెళ్లడం.. తొమ్మిది మంది విద్యార్థులు అక్కడికక్కడే మరణించారు.

ఈ ఘ‌ట‌న‌పై స‌మాచారం అందుకున్న పోలీసులు వెంట‌నే అక్క‌డ‌కు చేరుకుని క్షతగాత్రులను ఆసుప‌త్రికి త‌ర‌లించారు. ఈ రోజు ఉద‌యం 8 గంట‌ల స‌మ‌యంలో ఈ ప్ర‌మాదం చోటు చేసుకుంద‌ని చెప్పారు. అయతే ఈ ప్రమాదాలకు కారణం దట్టంగా అలుముకున్న పోగమంచేనని పోలీసులు అంచనాకు వచ్చారు. అయినా ఇలాంటి పరిస్థితుల్లో అంత వేగంగా వాహనాలు కూడా నడపరాదని సూచిస్తున్నారు. సిమెంటు లారీ డ్రైవర్ తో పాటు ప్రైవేటు బస్సుపై కూడా కేసు నమోదు చేస్తున్నారు.