సెక్స్ బాబా ఆరోపణలు.. ఊహించని ట్విస్ట్

Posted: 10/18/2017 09:53 AM IST

ఫేక్ బాబా ఆరోపణలతో మనస్తాపం చెంది ఓ వ్యక్తి ఎవరూ చేయకూడని పని చేశాడు. లైంగిక ఆరోపణల చుట్టు ముట్టడంతో వారి నోళ్లు మూయించేందుకు తనకు తానుగా శిక్ష విధించుకుని అందరిని దిగ్భ్రాంతికి గురిచేశాడు. రాజస్థాన్ లోని తారానగర్ లో జరిగిన ఘటన వివరాల్లోకి వెళ్లితే..

సంతోష్ దాస్ (30) అనే వ్యక్తి తనను తాను దైవంగా ప్రకటించుకుని భక్తులను సంపాదించుకున్నాడు. ఈ నేపథ్యంలో ఆయన దొంగబాబా అని, అతనికి ఓ మహిళతో అక్రమ సంబంధం ఉందని ఇరుగుపొరుగువారు ఆరోపించారు. తనపై తప్పుడు ఆరోపణలు చేస్తున్నారని చెప్పిన ఆయన అక్కడే తన జననాంగాన్ని కోసేసుకున్నారు. దీంతో ఆయనపై ఆరోపణలు చేసిన వారు బిత్తరపోయారు.

వెంటనే ఆయనను బికనేర్ లోని ఆసుపత్రికి తీసుకెళ్లారు. అక్కడ చికిత్స చేసిన వైద్యులు ఆయన ఆరోగ్యం నిలకడగా ఉందని తెలిపారు. దీంతో స్థానికులు హాయిగా ఊపిరిపీల్చుకున్నారు. పోలీసులు రంగంలోకి దిగి ఘటనపై విచారణ చేపట్టారు.

హైదరాబాద్ లో ఒకరి అరెస్ట్...

హైదరాబాదులో మరో దొంగ బాబా ముసుగు తొలగింది. భూత వైద్యం పేరుతో బూతు వైద్యం చేస్తున్న వ్యక్తిని పోలీసులు అరెస్ట్ చేశారు. హర్యానా నుంచి కొంత కాలం క్రితం విరాళాల సేకరణ పేరిట హైదరాబాదు వచ్చాడు మన్నన్ బాబా. ఈ క్రమంలో భూతవైద్యం పేరిట హుమయూన్ నగర్ లో మకాం వేశాడు. అమాయక ముస్లిం మహిళలను గుర్తించి, వారికి సమస్యలు ఉన్నాయని బెంబేలెత్తించేవాడు. అనంతరం సమస్యలు పరిష్కరిస్తానని వలలో వేసుకునే వాడు. అతనిని నమ్మిన అనంతరం వారి శరీరంపై సాతా(సైతాను)ను వాలిందని వారిని బెంబేలెత్తించేవాడు.

వైద్యం, శాంతి, పరిహారం పేరిట వారిని వేధింపులకు గురి చేసేవాడు. ఈ క్రమంలో భార్య భర్తల మధ్య మనస్పర్థల నేపథ్యంలో మగపిల్లాడి కోసం ఆశపడ్డ మహిళకు ఎవరో అతనిని సూచించగా, అతనిని ఆశ్రయించింది. వేధింపులకు తాళలేకపోయిన మహిళ డీసీపీ వెంకటేశ్వరరావును ఆశ్రయించింది. దీంతో పక్కా ప్రణాళిక వేసి అతన్ని అరెస్ట్ చేశారు. నిందితుడి నుంచి 4 లక్షల రూపాయలను నకిలీబాబా దోచేసినట్టు పోలీసులు నిర్ధారించారు. మరికొందరు బాధిత మహిళలు కూడా అతనిపై ఫిర్యాదు చేసేందుకు ముందుకు రావటం విశేషం.