రాష్ట్ర ప్రభుత్వం అత్యంత ప్రతిష్టాత్మకంగా సద్దుల బతుకమ్మ పర్వదినాన ఎల్బీ స్టేడియంలో నిర్వహించిన వేడుకలు అశించిన స్థాయిలో అకట్టుకోలేకపోయాయి. ఈ వేడుకల ద్వారా గిన్నిస్ బుక్ లో స్థానం సంపాదించాలని భావించిన రాష్ట్ర ప్రభుత్వానికి ఎదురుదెబ్బ తగిలింది. రాష్ట్ర పర్యాటక, భాషా, సాంస్కృతిక శాఖ అధ్వర్యంలో చేసిన ప్రయత్నం పూర్తిగా విఫలమైంది. మూడు వేల మంది మహిళలతో రాష్ట్ర చిహ్నమైన మహా తంగేడు పువ్వు ఆకృతి రూపొందించి.. తద్వారా గిన్నిస్ బుక్లోకి ఎక్కాలని చేసిన ప్రయత్నం సఫలం కాలేదు.
ఇలాంటి ఈవెంట్ లకు ముందస్తు రిహార్సల్ చేయాల్సిన అవసరం వున్నా దానిని పరిగణలోకి తీసుకోని సంస్కాృతిక శాఖ.. నేరుగా మహిళలను రంగంలో దింపడంతో అయోమయానికి గురైన వారు తలోవిధంగా అడేసరికి గిన్నిస్ బుక్ ఫీట్ సాధ్యంకాలేదు. ఇక మూడు వేల మంది మహిళల వస్తారని ముందుగానే ప్రకటించిన ప్రభుత్వం అంతమందిని వేదిక వద్దకు తరలించడంలోనూ విఫలమైంది. సరిపడా సంఖ్యలో మహిళలు లేకపోవడంతో ఈ ప్రయత్నం బెడిసికొట్టింది.
తంగేడు పువ్వు ఆకృతిలో నిలబడలేక కొందరు మహిళలు సొమ్మసిల్లిపోయారు. గిన్నిస్ ప్రతినిధులు 2 అవకాశాలు కల్పించినా ప్రకృతి అనుకూలించలేదు మరోవైపు వరుణుడు కూడా ఈ ఫీటుకు ఆటంకంగా నిలిచాడు. రెండు పర్యాయాలు వర్షం కురిసి సున్నపు గళ్లను చెరగిపోవడంతో ఏర్పాట్లకే సమయం అధికంగా తీసుకుంది. దీంతో గిన్నీస్ ఫీటుకు అస్కారం లేకుండా పోయింది.
మహిళలతో చేసిన ప్రయత్నం విఫలం కావడంతో రాష్ట్ర పర్యాటక, భాషా సాంస్కృతిక శాఖ మరోమారు విద్యార్థినులతో మహా బతుకమ్మ ఫీట్ చేయాలని భావిస్తోంది. తంగేడు పువ్వు కాకుండా మరో పువ్వును ఎంపిక చేసి విద్యా సంస్థలతో కలసి ప్రయత్నించేందుకు సిద్ధమవుతోంది. గిన్నిస్ ప్రతినిధి మరోసారి అవకాశం ఇస్తామని పేర్కొనడంతో రెండు మూడు నెలల్లో తిరిగి ప్రయత్నించాలని సాంస్కృతిక శాఖ నిర్ణయించినట్లు తెలుస్తోంది.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more