స్నేహితుడి ప్రోత్భలంతో.. అతని ప్రియురాలిపై అత్యాచార యత్నం

Posted: 09/26/2017 03:59 PM IST

Students attempts rape on colleague in kanigiri at prakasam

స్నేహితులుగా పరిచయం చేసుకుని ఆ తరువాత వారిపై దారుణాలకు పాల్పడే మేకవన్నె పులులు వీళ్లు. అంధ్రప్రదేశ్ లోని ప్రకాశం జిల్లా కనిగిరిలో ముగ్గురు మృగాళ్లు దారుణంగా వ్యవహరించారు. కామాంధుల చెర నుంచి స్నేహితురాలి సాయంతో బయటపడిన బాధితురాలు ఈ విషయాన్ని ఎవరికి చెప్పినా పరువు పోతుందని భావించి.. గుట్టుగా వుంచింది. అయితే పైశాచిక మృగాళ్లు మాత్రం తాము చేసిన దారుణాన్ని ఘణకార్యమనుకుని పదిమందికీ పంచాలని సోషల్ మీడియాలో పోస్టు చేసి.. అడ్డంగా బుక్ అయ్యారు.

వీరి అఘాయిత్యం తాలుకు ఘటనలు సామాజిక మాధ్యమంలో వైరల్ కావడంతో, అది కాస్తా అలా అలా బాలిక తల్లిదండ్రుల దృష్టికి చేరింది. దీంతో తమ బిడ్డను వివరాలు అడిగి తెలుసుకున్న బాధితురాలి తల్లిదండ్రులు.. మగ్గురు అగంతకులపై పోలీసులకు పిర్యాదు చేశారు. దీంతో ఈ ఘటన అలస్యంగా వెలుగులోకి రాగా, రంగంలోకి దిగిన పోలీసులు నిందితులను అరెస్టు చేసి వారిపై అత్యాచార యత్నంతో పాటు వివిధ సెక్షన్ల కింద కేసు నమోదు చేసి దర్యాప్తు చేస్తున్నారు.

పోలీసులు తెలిపిన వివరాల ప్రకారం.. కనిగిరికి చెందిన ఓ యువతి డిగ్రీ రెండో సంవత్సరం చదువుతుంది. అయితే ఆ అమ్మాయి స్థానికంగా ఇంజనీరంగ్ చేస్తున్న కార్తీక్ అనే యువకుడితో సన్నిహితంగా వుంటుంది. అయితే కార్తీక్ తన స్నేహితులు పవన్, సాయి, కోటేశ్వర రావులతో కలసి కనిగిరిలోని అలయ దర్శనానికి వెళ్లారు. అయితే బాధితురాలిని కూడా రమ్మని కార్మీక్ ను మిత్రులు సాయి, పవన్ లు కోరారు. దీంతో అమెను కూడా రమ్మని పిలవడంతో ఒంటరిగా కాకుండా తనకు తోడుగా మరో స్నేహితురాలని తీసుకుని వచ్చింది బాధితురాలు.

అలయ దర్శనం పూర్తైన తరువాత పక్కనే వున్న నిర్మానుష్య ప్రాంతంలోకి బాధితురాలిని తీసుకువెళ్లిన సాయి.. అక్కడ అమైపై అత్యాచారంయత్నానికి తెగబడ్డాడు. వద్దని అరుపులు, కేకలు పెడుతున్నా.. సరదాగా ఏడిపిస్తున్నాడని అనుకున్న అమె స్నేహితురాలు.. బాధితురాలి ఏడుపు విని నిజమని తెలిసి అడ్డుకుంది. దీంతో అక్కడి నుంచి బాధితురాలిని తీసుకువచ్చింది. జరిగిన విషయాన్ని ఎవరికి చెప్పినా పరుపుపోతుందని భావించిన బాధితురాలు గుట్టుగా తనలోనే బాధను దిగమించుకుంది.

అయితే బాధితురాలిపై అత్యాచార యత్నం జరుగుతున్న క్రమంలో వీడియోను తీసిన స్నేహితులు.. దానిని సోషల్ మీడియాలో అప్ లోడ్ చేయడంతో విషయం బట్టబయలైంది. నేరానికి పాల్పడిన సాయి అనే అగంతకుడితో పాటు.. నేరాన్ని ప్రోత్సహించిన అతని స్నేహితులు కార్తీక్, పవన్, కోటేశ్వరావులపై కూడా పలు సెక్షన్ల కింద కేసు నమోదు చేసిన పోలీసులు నిందితులను కటకటాల వెనక్కి నెట్టారు. యువతిపై అత్యాచారయత్నానికి పాల్పడడమేగాక ఆ దృశ్యాలను సోషల్ మీడియాలో పెట్టిన వారిపై కఠిన చర్యలు తీసుకోవాలని పలువురు కోరుతున్నారు.