ITEMVIDEOS: కెమెరా కంటికి చిక్కకూడదని.. దొంగ ఇలా...

Posted: 09/11/2017 01:45 PM IST

దొంగతనం చేయడమే తప్పు. అసలు అలాంటి అలోచన రావడం కూడా తప్పే. దొరికితే ఊచలు లెక్కబెట్టాల్సి వస్తందని తెలిసినా.. దొంగలు మాత్రం కొత్త కొత్త ఐడియాలతో తాము ఎవరి కంటా పడకుండా దొరికింది దోచుకెళ్లాలనని ప్రయత్నాలు చేస్తుంటారు. కానీ అందుబాటులోకి వచ్చిన మూడో నేత్రం నుంచి తప్పించుకోలక చాలా మంది దొరికేస్తున్నారు. అయితే ఈ నిఘా నేత్రం నుంచి కూడా తప్పించుకునేందుకు ఓ దోంగ కొత్త ఐడియాను వాడి.. విఫలమై.. నెట్టింట్లో వైరల్ గా మారాడు. ఇంతకీ అతనికి తట్టిన కొత్త ఐడియా ఏంటో తెలుసా.?

చైనాలోని హ్యుయ్‌బే నగరంలో ఓ దొంగ మాత్రం తనను ఎవరూ గుర్తుపట్టకుండా.. సీసీ కెమెరాల్లో తన ముఖం కనపడకుండా ఉండేందుకు ముఖానికి (కళ్లను మాత్రమే మినహాయించి) పూర్తిగా టాయిలెట్‌ పేపర్ కట్టుకుని దొంగతనానికి వెళ్లాడు. అతడు గదిలోనికి ప్రవేశించడం.. టాయిలెట్‌ పేపర్‌ ముఖానికి చుట్టుకోవడం.. సీసీ కెమెరాలను చూస్తూ వెళ్లడం అంతా అక్కడున్న సీసీ కెమెరాల్లో రికార్డయింది.

అయితే ఒక గది నుంచి వేరే గదికి వెళ్లిన అతడు అటూ ఇటూ చూస్తూ వెళ్లే క్రమంలో తన ముఖానికి వున్న టాయిలెట్‌ పేపర్‌ వూడిపోయింది. దీంతో మరో కాయితం తీసుకుని సిసిటీవీ కెమెరాకు పెట్టే ప్రయత్నం చేశాడు దొంగ. దీంతో రెండో గదిలోని సిసిటీవీ కెమెరాలో అతని ముఖం స్పష్టంగా సిసిటీవీ కెమెరాల్లో నిక్షిప్తమైంది. ఈ వీడియోను స్థానిక వెబ్ పోర్టల్ ఫేస్ బుక్ లో పోస్టు చేయగా, అది కాస్తా వైరల్ అయ్యింది. ఇప్పటివరకు ఈ వీడియోను 1.24 లక్షల మంది వీక్షించారు. అయితే ఈ దొంగతో పాటు దొంగతనం కూడా కేవలం స్థానిక మీడియా సృష్టించిన ఫేక్ ఐడియా కూడా కావచ్చని నెటిజన్లు సెటైర్లు వేస్తున్నారు.