రోడ్డు ప్రమాదం.. 36 మంది మృతి

Posted: 08/11/2017 07:56 AM IST

అతివేగం 36 మంది ప్రాణాలను బలితీసుకుంది. చైనాలో గురువారం ఘోర రోడ్డు ప్రమాదం జరిగింది. కిక్కిరిసిన ప్యాసింజర్లతో కూడిన ఓ బస్సు టన్నెల్ గోడను ఢీకొట్టింది.

ఘటనలో 36 మంది అక్కడికక్కడే దుర్మరణం చెందగా, 13 మందికి తీవ్ర గాయాలయ్యాయి. లువోయాంగ్ నుంచి చెంగ్దూ కు వెళ్తున్న బస్సు శాంక్సీ ప్రోవిన్స్ వద్ద యాక్సిడెంట్ కు గురైంది. డ్రైవర్ అతివేగంతో నడపటం మూలంగానే ఈ ప్రమాదం జరిగినట్లు అధికారులు చెబుతున్నారు.

ఘటనపై పౌర భద్రత శాఖ మంత్రి జియో షెంగ్కూన్ దిగ్భ్రాంతి వ్యక్తంచేశారు. అతివేగం, నిర్లక్ష్యం మరియు వాహనాల మధ్య దూరం మెయింటెన్ చేయకపోవటం లాంటి కారణాలతో ఈ మధ్య హైవేలో ఇలాంటి ఘటనలు ఎక్కువగా జరుగుతున్నాయని ఆయన తెలిపారు. మరోవైపు చైనాలో ఏడాదికి రోడ్డు ప్రమాదాల్లో సుమారు 2,60,000 మంది చనిపోతున్నారని ప్రపంచ ఆరోగ్య సంస్థ(డబ్ల్యూహెచ్వో) ఓ నివేదికలో తెలిపింది. అది చైనా జనాభాకు ప్రతీ లక్షలో 18.8 శాతంగా ఉందని పేర్కొంది.