గ్రామ పాఠశాలలో బార్ గళ్స్ తో అసభ్య నృత్యాలు

Posted: 08/10/2017 06:01 PM IST

ఊరిని ఆదర్శంగా తీర్చిదిద్దుతానని గ్రామ స్థాయి ఎన్నికలలో హామీలను గుప్పించిన ఆ గ్రామ పెద్ద నిజంగానే… ఆ గ్రామాన్ని అకస్మాత్తుగా అభివృద్ది చేశారు. ఎంతలా అంటే.. ఏకంగా ఆ పాఠశాల పేరు ఇప్పుడు జాతీయ దినపత్రికలు మొదలుకుని అంతటా మార్మోగిపోతుంది. ఇక ఆ గ్రామ పెద్ద చేసిన పనికి చుట్టుపక్కల గ్రామపెద్దలు కూడా అవ్వాక్కయ్యేలా చేశారు. వారికి తెలియకుండానే వారు కూడా అందులో భాగం పంచుకున్నారు. ఇదేంటి..? ఒక గ్రామ పాఠశాల పేరు ఇంతలా మార్మోగిపోడానికి కారణమేంటి.. అందుకు ఇరురుపోరుగు గ్రామపెద్దలు ఎలా దోహదపడ్డారని అంటున్నారా..? అక్కడికే వస్తున్నాం.

గ్రామపెద్ద చేసిన నిర్వాకంతో ఆ గ్రామస్థులు తలదించుకుంటున్నారు. గ్రామపెద్దగా చెలామణి అవుతూ గ్రామం పరువునే తీసాడు. సభ్యసమాజానికి సందేశం ఇవ్వాల్సిన పెద్ద.. సమాజంలో తమకు మర్యాద లేకుండా చేశాడని పాఠశాల విద్యార్థులు, ఉపాధ్యాయులు మొదలుకుని గ్రామ ప్రజలందరూ ఆయనపై పళ్లు కొరుకుతున్నారు. ఇంతకీ ఆయన చేసిందేమిటీ అని ప్రశ్నిస్తే.. ఏకంగా తమ గ్రామంలోని ప్రభుత్వ ప్రాథమిక స్కూల్ ను క్లబ్ లా మార్చి.. బార్ గాళ్స్ తో డ్యాన్సులు చేయించాడు. ఈ ఘటన ఉత్తరప్రదేశ్ లోని మిర్జాపూర్ జిల్లాలో జరిగింది.

అన్నాచెల్లెళ్ల అనుబంధానికి ప్రతీకైన రాఖీ పౌర్ణమి పండుగ రోజునే బార్ గాళ్స్ తో డాన్సులు వేయించి.. వార్తల్లో నిలిచాడు. మిర్జాపూర్‌ జిల్లా జమాల్పూర్ లోని టెట్రాహియ కళా ఖుర్ద్ గ్రామంలోని ప్రాథమిక పాఠశాలలో రక్షాబంధన్ రోజు జరిగిందీ ఘటన, బార్ గాళ్స్ అసభ్య నృత్యాలకు తమ కుటంబంలోని కొందరు వ్యక్తులు అనుకరిస్తూ డాన్సులు చేయగా, మరికొందరు ఇరుగుపోరుగు గ్రామాలకు చెందిన పెద్దమనుషులు తమ జేబుల్లోని నోట్లు తీసి బార్ గాళ్స్ పై విసురారు. ఈ వీడియో బయటకు రావడంతో గ్రామస్థులలో కలకలం సృష్టించింది.

మరుసటి రోజు టీచర్లు పాఠశాలకు రాగానే తరగతి గదులు మొదలుకుని పాఠశాల అవరణ అంతా చిందర వందరంగా ఉంది. దీంతో ఆరా తీసిన ఉపాద్యాయులకు అసలు విషయం అర్థమైంది. తన కుమారుడి జన్మదినం సందర్భంగా కార్యక్రమాన్ని నిర్వహించుకుంటామని.. గ్రామ పెద్ద రామ్ కేశ్ యాదవ్ తన దగ్గరకు వచ్చి స్కూల్ తాళాలు తీసుకున్నాడని.. పాఠశాల అసిస్టెంట్  టీచర్ అశోక్ కుమార్ ప్రాథమిక శిక్షా అధికారి ప్రవీణ్ కుమార్ తివారీకి ఫిర్యాదు చేశారు. దీంతో విచారణ ప్రారంభించారు అధికారులు. అయితే బార్ గాల్స్ డాన్సులపై గ్రామస్థులు ఆగ్రహం వ్యక్తం చేస్తున్నారు.