టీ ఎంసెట్ రిజల్ట్స్.. టాప్ ర్యాంకులు వాళ్లవే!

Posted: 05/22/2017 02:08 PM IST

ఎంసెట్ 2017 ఫలితాలను విడుదల చేసింది తెలంగాణ ప్రభుత్వం. సోమవారం ఉదయం జేఎన్టీయూ హైదరాబాద్ లో తెలంగాణ ఉన్నత విద్యామండలి చైర్మన్ తుమ్మల పాపిరెడ్డి ర్యాంకులను విడుదల చేశాడు. ఇంజనీరింగ్ లో 74.75 శాతం, వైద్య విద్య(అగ్రికల్చర్, ఫార్మసీ) లో 86.49 శాతం ఉత్తీర్ణత సాధించినట్టు వెల్లడించారు . కాగా, తెలంగాణ ఎంసెట్ లో ఇంజనీరింగ్, అగ్రి, ఫార్మసీ విభాగాల్లో ఆంధ్రా విద్యార్థులు హవా చాటారు. ఇంజనీరింగ్ టాప్-10లో ఆరు ర్యాంకులు, అగ్రి, ఫార్మసీ విభాగాల్లో మొదటి 10 ర్యాంకుల్లో ఐదు ర్యాంకులు సాధించారు.

గుంటూరుకు చెందిన జయంత్ హర్ష (156 మార్కులు) తొలి ర్యాంకు. శ్రీకాకుళం జిల్లాకు చెందిన రాంప్రసాద్ (156 మార్కులు) రెండో ర్యాంకు. మూడో ర్యాంకు భరద్వాజ్ (155 మార్కులు), తూర్పు
గోదావరి జిల్లా కు చెందిన శైలేంద్ర (155 మార్కులు) నాలుగో ర్యాంకు. అనంతపురం జిల్లాకు చెందిన దిలీప్ కుమార్ (155 మార్కులు) ఆరో ర్యాంకు. కృష్ణా జిల్లాకు చెందిన అబ్దుల్ మూయిజ్ (154
మార్కులు) తొమ్మిదో ర్యాంకు కైవసం చేసుకున్నారు.

మే 12న తెలంగాణలో ఎంసెట్ పరీక్ష జరిగింది. ఈ పరీక్షకు ఇంజనీరింగ్ విభాగంలో 1,41,190 మంది దరఖాస్తు చేసుకోగా, 1,39,100 మంది హాజరయ్యారు. అగ్రికల్చర్, ఫార్మసీ విభాగంలో 79,061
మంది దరఖాస్తు చేసుకోగా, 73,601 మంది పరీక్ష రాశారు. ఎంబీబీఎస్, బీడీఎస్ కోర్సుల్లో ప్రవేశానికి దేశవ్యాప్తంగా నిర్వహిస్తున్న నీట్ రాయాల్సి ఉండటంతో రాష్ట్రాల్లో ఆ కోర్సులకు పరీక్షను ఎంసెట్
నుంచి తొలగించిన విషయం తెలిసిందే.

ఈ నెల 24 నుంచి 26 వరకు ఓఎంఆర్ షీట్స్ డౌన్ లోడ్ చేసుకునే అవకాశం ఇచ్చామన్నారు. ఫలితాల కోసం https://eamcet.tsche.ac.in , http://tsche.cgg.gov.in  వెబ్ సైట్ పాస్ వర్డ్ technology@JNTUH అని పేర్కొంది.