ITEMVIDEOS:చిత్తూరులో లారీ భీభత్సం.. 20 మంది మృతి

Posted: 04/21/2017 02:28 PM IST

చిత్తూరులో కాసేపటి క్రితం ఘోర రోడ్డు ప్రమాదం సంభవించింది. ఏర్పేడులోని పీఎన్ రోడ్డులో మ‌ధ్యాహ్నం సమయంలో ఓ లారీ బీభత్సం సృష్టించింది. పూతల పట్టు- నాయుడు పేట రహదారిలోని పోలీస్ స్టేషన్ సమీపంలో అదుపుత‌ప్పిన ఓ లారీ జనాలపైకి దూసుకెళ్లటంతో 20 మంది అక్కడిక్కడే మృతి చెందారు.

ముందుగా ఓ కరెంట్ పోల్ ను ఢీ కొట్టి ఆపై ఒక్క‌సారిగా అక్క‌డి షాపుల సముదాయంపైకి దూసుకెళ్లికింది. ఈ ప్ర‌మాదంలో 15 మంది అక్క‌డిక‌క్క‌డే ప్రాణాలు కోల్పోగా, ఆస్పత్రికి తరలించే క్రమంలో మరో ఐదుగురు చనిపోయారు. కరెంట్ షాక్ తోనే ఎక్కువ మంది చనిపోయినట్లు తెలుస్తోంది. మరికొంత మందికి తీవ్ర‌గాయాల‌య్యాయి.

పూతల పట్టు-నాయుడు పేట రహదారిలో వాహ‌నాల‌ రాక‌పోక‌లు పూర్తిగా స్తంభించాయి. ఈ ప్ర‌మాదంపై వెంట‌నే స్పందించిన స్థానికులు ప‌లు వాహ‌నాల్లో క్ష‌తగాత్రులను ఆసుపత్రికి త‌ర‌లించే ప్ర‌యత్నం చేస్తున్నారు. ఈ ఘ‌ట‌న‌పై సీఎం చంద్రబాబు, హోం మంత్రి చినరాజప్ప ఆరా తీస్తున్నారు. మరిన్ని వివరాలు అందాల్సి ఉంది.